Prestaketa

Alde batetik, ahalik eta apainen jarriko ditugu uraza mota guztiak (lolloa, haritz-hostoa…), bai eta endibiak ere.

Tomatea dadotan ebaki, eta urazarekin batera jarriko dugu. Otarrainari barrua hustu, zatitan ebaki eta entsaladaren gainean jarriko dugu. Gatzozpindu egingo dugu.

Bestalde, zartagin batera oliba-olioa bota, eta tipula jarriko dugu biguntzen, txiki-txiki eginda. Gorritzen hasten denean,  otarrainxka-isatsak eta txirlak gehituko dizkiogu. Txirlak irekitzen direnean, otarrainxkak eta txirlak entsalada gainean jarri, eta zartagineko olioa botako diegu gainetik.