Prestaketa

Lehenik, biribilkia hartu, eta azpil batean jarriko dugu. Gatza, piperbeltza eta oliba-olioa botako dizkiogu.

Aurrez 180 ºC-an berotutako labean sartuko dugu, eta 1 ordu eta 50 minutuan edukiko dugu. Biribilkia ongi erreta dagoenean, labetik atera eta hozten utziko dugu azpil batean. Idi-biribilkiaren zukua gerorako gordeko dugu.

Idi-biribilkia erretzeko erabilitako azpil bera hartu, eta 6 tipula, 2 porru eta 3 azenario  jarriko ditugu biguntzen.

Biguntzen direnean, gehitu ardo zuria eta eman irakinaldi bat. Ondoren, garreztatu koñakarekin.

Egin guztia txiki-txiki, eta pasatu iragazki txinatarretik, pikorrak desegiteko.

Ebaki biribilkia xerratan, jarri kazolan eta bota saltsa. Jarri sutan, harik eta haragia bigundu arte.