The Pistatxos taldeak irabazi du 'Bideokipla' lehiaketa

Oiartzungo The Pistatxos taldea izan da 'Kontrako Eztarria' saioko 'Bideokipla' lehiaketako irabazlea. Astebeteko botazioaren ondoren, talde honek jaso ditu erabiltzaileen boto gehien, % 47 hain zuzen ere.

Mallabiko Mallacyrus, Erromoko Euskaltegia eta Urretxu-Zumarragako Alopecia en la lengua taldeak izan dituzte aurkari lehiaketako finalean, baina azkenean oiartzuarrek lortu dute boto kopuru handiena. Bigarren lekuan Mallacyrus gelditu da (botoen % 35), hirugarren Erromoko euskaltegia (% 13) eta hirugarren Alopecia en la lengua (% 5).

Honenbestez, Oiartzungo taldeak 1.000 euroko saria eskuratu du, eta 'Kontrako Eztarria' saioan izan dira, euren saria jasotzen.

Epaimahaiaren saria, Alopecia en la lengua

Lehiaketan beste sari bat ere eman da: Epaimahaiaren saria, 500 eurokoa. Kasu honetan, jaso dituzten guztien artean, 'Kontrako Eztarria' saioko lantaldeari onena iruditu zaion bideoa saritu da. Urretxu-Zumarragako Alopecia en la lengua taldea izan da garailea.