Hirugarren etapari aldapa gogor batekin emango diogu hasiera. Lleidako Pirinioetako Tavascan herritik abiatu eta 7 kilometroko igoeran, 1.850 metrora iritsiko gara. Segidan, 11,5 kilometro egingo ditugu beheraka, Estaon herrira iritsi arte. Bertan gaudela, gorantz ekingo diogu berriz, 2.233 metrotara heldu arte. Urtaroaren arabera, goian elurra topa daitekeela izan behar dugu kontuan.

Ondoren, jaitsierari helduko diogu Laguinguetara iritsi arte; honakoa, 21. kilometroa izango da. Bertatik abiatu eta 3 kilometroko igoera nabarmen baten ostean, Espot herrira bitarteko tartea lauagoa izango da. Beraz, indarrak errekuperatzeko beta izango dute lehiakideek.