Zumaia

Ehunka pertsonak Balenciaga ontziolaren itxiera saihesteko konponbide bat eskatu dute, enpresaren egoitzatik abiatu den enpresa-batzordeak deitutako manifestazio batean.

Zumaiako anaiek esnekiak egiten dituzte euren behien esnearekin. Hasiera batean, esnea soilik saltzen zuten etxez etxe, baina 2021etik jogurtak eta gazta freskoa ere egiten dituzte. Eurek egindako janariarekin elikatzen dituzte behiak, eta ahalik eta modu ekologikoenean egiten dute lan.

Ibaien arroak maila berdera itzuli dira gaur goizean Gipuzkoan. Atzo metro koadroko 100 litrotik gorako prezipitazioak izan ziren hainbat tokitan, eta uholdeak eragin zituzten Irunen, Errenterian eta Zumaian, besteak beste.

Aktore zumaiarrak Telmo Irureta ilobaren eskutik jaso du garaikurra. Zinemira Saria, Euskal Zinemaren Gala Handian banatzen da, eta euskal zinemako pertsona ezagun, programa edo erakunde nabarmen baten ibilbideari ematen dioten ohorezko saria da.

Bigarren egunez jarraian, itsasaldeko arriskuagatik ezarritako abisu horia indarrean izan da 20:00etara arte. Atzokoak baino handiagoak izan arren, marea biziek ez dute aparteko arazorik sortu. Hala ere, urak hainbat kale hartu ditu, ur putzu handiak sortuz.

'Kantu berri bat gara. Harri eta Herri' Zumaiako Itzurun hondartzan egitekoa zen ikuskizuna bertan behera geratu da eguraldiaren iragarpena dela eta.  "Biba Zuek!" saioan egon da Jon Maia bertsolari, musikari eta idazlea eta hartutako erabakiaren inguruan hitz egin du, besteak beste.

Asteburuko play-offetan Euskotren Ligarako igoera lortuta, Amane Jimenez Zumaiako patroiak lorpena aztertu du elkarrizketa honetan, egindako lana azpimarratzeaz gain.

Itsasbeherak irudi hauek utzi dizkigu Deba, Zumaia eta Zarautz inguruetan. Aurreikuspenen arabera, marea oso bizia izango da, eta, beraz, itsasgoraren inguruan (17:41ean), mareek jotzen dituzten ohiko eremuetan, olatuak alde batera utzita.

San Juanek eta Zumaiak datorren denboraldian arraunlaritzaren maila gorenean lehiatzeko txartela eskuratu dute gaur, Portugaleten. Horrenbestez, arratsaldean, harrerak eta ospakizunak izan dira Pasai Donibanen eta Zumaian.

Zumaiak eta Astillerok arraunaren maila gorenera igotzea lortu dute, eta Euskotren Ligan lehiatuko dira datorren denboraldian. Astillero onena izan da play-offeko bi jardunaldietan, eta Zumaia bigarren bi egunetan. Biak ala biak, onenekin borrokatuko dira 2025ean.

Zumaia nagusitu da play-offeko 2. jardunaldian, eta Euskotren Ligan lehiatuko da datorren denboraldian. Bideo honetan duzu ikusgai taldearen estropada, ontzi barrutik, minikameraren irudiei esker.

Naroa Goikoetxea Zumaiako patroia pozarren agertu da datorren denboraldian Euskotren Ligan lehiatzeko plaza eskuratu dutelako, eta esker oneko hitzak izan ditu taldekide guztientzat.

Astillero eta Zumaia Euskotren Ligara igo dira, play-offetako bi jardunaldietan Astillero nagusituta eta Zumaia bigarren izanda. Hemen duzu ikusgai nola ospatu duten igoera Coruñako eta Gipuzkoako taldeetako neskek.

Amane Jimenez Zumaiako patroia pozik azaldu da Euskotren Ligako play-offetako lehen jardunaldian lortutako bigarren postuarekin. Segundo bat atera die Astillerok, eta bigarren jardunaldian irabaztera irtengo direla nabarmendu du.

Cabo Euskotren Ligan duen tokiari eusten saiatuko da, Astillerok ETE Liga irabazi du, eta Chapela Galiziako Ligako txapelduna da. Galiziako biak, Zumaia eta Cabo ez bezala, Kontxan aritu dira. Telmo Deuneko arraunlarien aurkariak diren hiru traineruak aztertu ditugu.

Bermeon eta Portugaleten izango dira play-offak, eta Zumaiaren helburua izango da aurreneko bi tokietako bat eskuratzea; Astillero, Cabo eta Chapela izango dira aurkariak. EITB Amane Jimenez patroiarekin eta Jule Egiguren arraunlariarekin izan da.

Liga hasi baino lehen jakin zuten Zumaiako arraunlariek klubak ez zuela play-offetarako izenik eman. Eñaut Larrañaga arraunlariaren eta Joseba Esnal presidentearen testigantzak bildu ditugu bideo honetan.

Basque Teameko surflariak 2024ko Olinpiar Jokoetan ez dute jarraituko bigarren aukeran ez direlako sailkatu. Dena eman dute Andy Crierek eta Janire Gonzalez-Etxabarrik Tahitin.

KAE Ligan, San Juanek denboraldiko zazpigarren bandera irabazi zuen larunbatean, eta igandean, aldiz, Santurtzi nagusitu zen. ETE Ligan, Astillero eta Zumaia lehia bizian dira eta bi puntuko aldea dago bien artean, amaierarako bost jardunaldiren faltan.

Gizonezkoen estropada bertan behera geratu zen, eta bandera bat gutxiago izango dute aurtengo denboraldian. Emakumezkoetan, berriz, Zumaiak irabazi zuen Sestaon.

Urdaibaik eta Arraun Lagunakek orain arte jokatu diren estropada guztiak irabazi dituzte. Hori ikusita, garai bateko Zumaiaren urrezko aroa datorkigu burura. Ordukoak gogoratzeko, denboran atzera egin dugu Luis Mari Olasagasti "Luxia"rekin.  

San Juanek orain arte jokatutako bost estropadak irabazi ditu KAE-1 ligan, eta lider sendoa da sailkapenean. ETE ligari dagokionez, Astillerok Zumaiaren nagusitasuna hautsi du Kamargon eta Portugaleten irabazita.

Janire Gonzalezek Basque Team taldea ordezkatuko du Pariseko Joko Olinpikoetan. 19 urterekin bere estreinako Munduko Txapelketa irabazi zuen Puerto Ricon eta txartel olinpikoa lortu zuen. Zumaiarra aukera aprobetxatzeko gogoz agertu da, baina urduri Tahitiko olatuengatik.