Umorea

Iturgoienen, San Adrian egunean egiten duten ohitura bitxi baten entsegura gonbidatu du Iñigok Mikel. Lorez betetako gurdian eramaten dituzte ezkonberriak, aldapan gora! Idiaren lekuan jarri dira Iñigo eta Pagadi, gurdiari tiraka.

Muzkiran, trafikoa gelditu du Pagadik Oihanek eta Adrianek pilotara lasai joka dezaten. Izan ere, errepideak frontoia gurutzatzen du, eta autoek gelditu behar dute jokalariek tantoa amaitu arte. Nola moldatu ote da Mikel udaltzain lanetan?

Bidaurreko Santa Catalina elizako balkoiari "konjuratorio" deitzen diote eta handik bota du konjurua Mikaelak. Miren Nogalesek guztia errepikatu du, astebururako eguraldi txarra uxatu eta eguzkiaren epeltasuna sumatzeko esperantzarekin.

Anttonek hasiera eman dio alkandora ausarten denboraldiari. Ilaski, bere aldetik, onomatopeiekin topera ibili da. Hemen dituzue unerik onenak!

Ez zeru, ez infernu: "Linbo"! Hori da ETB1ek eta eitb.eus atariak apirilaren 24an estreinatuko duen late-night saioaren izena. Aitziber Gradosek aurkeztuta, elkarrizketak, jolasak, umorea... uztartuko ditu.

"A Bocados" ETB2ko saioan zalantza sartu zaie Gabrielari eta Anderri. Jendeak nola esaten dio gaztelaniaz ogiaren muturrari, 'currusco', 'cuscurro', 'corrosco'? Eta gure sofakideek nola esaten dute? Bestalde, zer nahiago dute, ogi-mamia ala azala?

"Mañaneros" La1 kateko saioan ikusi dugu Madrilen Chechu izeneko toreatzaile batek zezen bat duela maskota bezala. Tamariz zezena landan bizi da, baina egunero Chechuren etxeraino sartzen da. Torete zezenaren istorioa kontatu dio Iñigok Anartzi; Torete pisu batean hazi zuten.

"La Otra Cara" ETB2ko saioan etxe bereziak erakutsi dituzte, tartean Tasena. Enkarterriko eliza bat erosi eta bertan sortu zuen bere etxea. Txundituta gelditu dira sofakideeak eraikin berezia ikusita.

Egunero ematen die jaten Marijosek Beltza, Gau eta Elur behorrei. Berak ez du psikologorik behar. Triste dagoenean, haiengana joan eta hitz egiten die, eta horrek poztasun handia ematen dio Marijoseri. Ez dago terapia hobeagorik!

Alexa erabiltzen abila da Rosita. Arrate irratia jartzea eskatzen dio sarri. Zein eguraldi egingo duen jakiteko edo errezeta berriak ezagutzeko ere erabiltzen du. Pagadi ere saiatu da galderak egiten, eta euskal trikitilariak ez dituela ezagutzen ohartu dira biak.

Villajoyosako sendalari batek bizkarrean zuen mina kendu eta zer gosaldu gomendatu zion Bittorri: oloa eta soja esnea kolagenoa eta kaltzioarekin nahastuta.Zaporez ez dago hain gozoa, baina osasuntsu egoten laguntzen omen dio. Hori da duen sasoia hori 90 urterekin!

Genio bizia du Larraitzek, baina gorde egin du "Mihiluze"n, bada ez bada. Haserrerik ez, baina zenbait despiste izan dituzte aste honetako lehiakideek. Begira!

"Mihiluze" saioko probak egiten aritu dira "Piztu Telebista"ko sofakideak. "APT." Rosé eta Bruno Mars artisten abestiaren leloa entzun dute, eta "apateu" hitza zenbat aldiz esaten den asmatu behar izan dute.

Aitaren eguneko loteriaren sari potoloa, 28 milioi euro, Bilbon tokatu da. Saridunetako bati Euskal Telebistak esan zion 130.000 euro egokitu zitzaizkiola, eta kamera ezkutuko saio bat zela pentsatu zuen. Zer egingo lukete sofakideek emakumearen tokian egonez gero?

Kanarietako telebistako "1 hora menos" saioan galtzontzillo lehiaketa egin dute: galtzontzillo gorritan zeuden bi mutilek galtzontzilloak bata bestearen gainean jarri behar izan dituzte, minutu eta erdian. Barre egin dute sofakideek, eta Rosak jolasa Orioko jaietarako proposatu nahi du.

Iratzarri, ez lokartu! Agian horrexegatik jarri dituzte danbor doinuak "Mihiluze"n? Lehiakideek lasaitasunari eutsi diote lehia betean, eta hainbat eskari egiteko probestu dute. Ekaitzek, esaterako, txakur bat nahiko luke.

"Jotalent" saioan Claudia izeneko Ablitaseko gazte batek parte hartu du, eta zenbait sofakideri oilo-ipurdia jarri zaie hura jota bat abesten ikusita. Ainhoa asko hunkitu da eta Claudiarekin batera kantatu du.

Komuneko papera nola egiten duten ikusi dugu "Nola egiten dute?" saioan. Sofakideak harritu egin dira, ikusi baitute zenbat zuhaitz behar diren komuneko papera egiteko. Agian zuhaitzen hostoak edo ura eta xaboia erabiltzen hasi beharko gara…

Hainbat lagunek bezala, etxelko egongelatik jarraitu dute sofakideek ETSren zuzeneko kontzertua, telebistan eman baitute. Argi dago Iñigo Etxezarretaren eta lagunen ikuskizunak BECen zeuden lagunak ez ezik, etxekoak ere dantzan jarri eta hunkitu zituela.

"Sexuak larrialdietara eraman ninduen" saioan, Cassandrari alergia etorri zaio Junior mutil-lagunarekin sexua praktikatzear zegoela. Zertan ibili ote da Junior lagunaren ezkondu aurreko agur-festan? Sofakideei izugarrizko jakinmina piztu zaie.

Ababor eta istribor hitzak nahastu dituen arren, bikain aritu da Miren Nogales patroi lanetan. Arraunean ere ibili da Iñigoren txalupan, baina nekatu egin da. Bela jarri dio orduan Iñigok, baina istripu txiki bat izan dute. Eskerrak Iñigo itsas-salbamenduko koordinatzailea dela!

Aste hau oso berezia izan da: zakua banatu dugu! Horrez gain, barreak, Antton eta bere hizkuntzak, pultsadoreak, komisioak, ordainpeko saioak... izan dira protagonista nagusiak.

"Belleza en crisis" ("Edertasuna, krsialdian", euskaraz) saioan Nil izeneko gizon bat ezagutu dugu. Burusoil gelditzen ari da, eta hori ezkutatzeko burua pintatzen zuen. Arazoa konpondu nahi du, eta ile-transplantea egin diote. Sofakideek ez zekiten transplanteak horrela egiten zirenik.

"Gaur Egun" albistegian Bizkaiko suhiltzaileen txio bat dela eta aritu dira: pertsona bat hilobi batetik ateratzeko eskaera egin zion Derioko hilerriak. Bizirik ehortzi al zuten? Zonbiak al daude? "Cuarto Milenio" saioko albiste bat zirudien arren, istripu bat besterik ez zen izan.

Las Palmaseko Drag Gala ikusten izan dira sofakideak TVE2 telebista katean, eta aho-zabalik gelditu dira drag queenen ikuskizunekin. Sofan eserita ederki egiten dute dantza gure lagunek.

TVE1eko "La Revuelta" saioan santurtziar bat igo da agertokira 'Avatar' filmeko pertsonaia baten gisan jantzita, eta "Desde Santurce a Bilbao" abestu du dantza egiten zuen bitartean. Ikuskizun ederra eman du Oier santurtziarrak.

"Mihiluze"ko zakua eraman dute Ekhi eta Unax gipuzkoarrek, eta gure sofakideak ere galderei erantzuten egon dira. Dena den, ez dute lortu Ekhik eta Unaxek beste erantzun zuzenik.

Dultzaina doinuak entzun eta berehala animatuko dira gure sofakideak, baita ikusiko dituzten inauterietako dantza eta modelo desfileekin ere. Ez galdu, gaur, 22:20an, ETB1en eta eitb.eus atarian.

Nola esaten da "Mihiluze" alemanez? Jokin lehiakidea itzultzaile lanetan aritu da. Jon, berriz, italierarekin saiatu da, baina ez gaude ziur asmatu ote duen. Lingua longa esaten ote dute Italian?

"Mihiluze"ren 'Imintzioka' jokoan aritu dira sofakideak. Supositorioa zer den ongi azaldu al dute? "Mihiluze"ko lehiakideek arazoren bat izan dute asmatu beharreko hitza "supositorioa" zela igartzeko. Tanpoia nola sartuko duzu ipurditik?

Makusi plataformako "Kalaxka" saioan jolas bat proposatu die Aritz Mendiolak kalean aurkitu dituen hainbat laguni. Hainbat emotikono erakutsita, kanta asmatu beharko dute. Zein ote da? Ongi moldatu al dira sofakideak? Eta, zu?

TVG kateko "O Termómetro" saioan ikusi dugunez, behiek eta zezenek liga dezaten aplikazio bat asmatu dute: Tudder. 42.000 etxaldetako behien eta zezenen datuak ditu. Euskal Herrian martxan jarri beharko al lukete bertoko ganadua elkarrekin hartu-emanetan jartzeko?

"Nire menpekotasun bitxia" saioan ikusi dugu Lisak duela zenbait urtetik duela katu-ilea jateko adikzioa. Sofakideei nazka handia eman die Lisaren menpekotasun bitxiak, eta ezin sinetsi egon dira…

"Gaur Egun" albistegian sofakideek ikusi dutenez, Espainiako Ikerketa Soziologikorako Zentroak txosten bat argitaratu du sexuari, desleialtasunari eta bikote-harremanei buruzkoa. Baina, zer da desleialtasuna? Sexua garrantzitsua da? Sofakideek beraien iritziak eman dituzte.

Telebista piztu, eta, hara zer aurkitu duten gure lagunek! Aho zabalik uzteko moduko saioak! Haien erreakzioak ikusi nahi? Ez galdu saioa, gaur, 22:20tik aurrera, ETB1en eta eitb.eus atarian.

Matxalen bateria-jotzailea da. Hernia de Hiato eta Las lentejas punk taldeetan aritu da, eta orain Iaiaiai irrintzi taldean dago. Zenbait instrumentu bitxi erakutsi dizkio Mireni: txirrina duen txistua, sudurrarekin jotzen den txilibitua, adarra eta erradiografiadun panderoa, besteak beste.

Luiaondoko bandera ez ofiziala diseinatu zuen Aimarrek 11 urte zituela. Orain, 16 urterekin, onartzeko eskaera egin dio Aldundiari. Komikizale amorratua, buruan darabilen beste proiektu bat erakutsi dio Mireni: "La Familia Cabrales" telesaila, euskal simpsondarrak, egitea proposatu behar dio ETBri.

Ilaskik hausnarketa sakonak egin ditu aste honetan, filosofikoak. Horrez gain, Enekok eta Aritzek "ETB Kantxa"ri keinuak egin dizkiote, baina ez dira bakarrak izan...

Mikel Pagadi Pabi Astondoarekin izan da Zeanurin "Herri Txiki, Infernu Handi" saioan. Segalaria da Pabi, eta harekin ikasi du Pagadik segan egiten. Hori bai, belarretan entrenatu ordez, lurrean egiten du, harriaren gainean. Gernikako sofakideek badute zerikusirik Pabirekin.