Udaberria 2020

Udaberri nahasi samarra izaten ari da, eta horren adierazle dugu, gaur Aralarren hartu ditugun irudi hauek. Elurra mara-mara Aralarko santutegitik gertu. Negu betean gaudela dirudi irudi hauek ikusita.

20 ºC inguruko tenperaturak lagun, jende anitz joan da gaur hondartzara. Barnealdeko zenbait tokitan, tenperatura 30 ºC-ra heldu da, Euskalmeten arabera.

Udaberrikoa baino gehiago, uda giroko asteburua dugu; izan ere, ezohiko tenperaturak izaten ari dira gaur Euskal Herrian, eta termometroak 30 gradura ere iritsiko dira toki batzuetan.

Vidal Salcedo mediku erretiratuak alergien inguruan hitz egin digu. Katarro baten eta alergia baten sintomek antz handia dute eta garrantzitsua da hori ongi bereiztea, dagokion tratamendua emateko. Alergiek gure sistema immunologikoarekin dute zerikusia, eta hainbat gomendio eman dizkigu.

Udaberrian izaten ditugun buruko minak izan ditu hizpide Vidal Salcedo familia medikuak. Sintomak zeintzuk diren eta sendabidea zein den azaldu digu "Biba Zuek!" saioan.

Prezipitazio ugariengatik abisu horia aktibatua egon da, eta aurreikuspenek ez dute hutsik egin. Ekaitzak euri-jasak eta haize bortitza utzi ditu EAEn, Araban batez ere. Azkena Rock Festibala atzeratu behar izan dute, minutu gutxitan botatako euri guztiaren ondorioz.

Berlinen, negu luzearen ostean, udaberriak eztanda egin du eta horren sinbolo dira hiri guztian zehar loratu diren gereziondoak. Jende ugari gerturatzen da bertara argazkiak ateratzera. Gainera, zuhaitz horiek balio berezia dute; izan ere, Japoniak milaka oparitu zizkion, harresia erori ostean.

2010ean asiar liztorra gurera heldu zenetik, udaberrian liztor erreginak harrapatzeko kanpaina egiten da, maiatzaren hasierara arte. Ezinbesteko harrapaketa da, bestela, bertako erleari erasotzen diotelako. Erleen erdiak hiltzen ari dira, asiar liztorraren eta lehortearen eraginez.

Loli Sein Aduna Gardeneko arduradunak hainbat aholku eman ditu etxean kanpoko landareak zaintzeko. Etxearen orientazioak garrantzia handia duela lore bat edo beste bat aukeratzerako orduan esan du. Gaineratu du askotan gehiegi ureztatzen ditugula landareak.

Duela astebete hotza eta elurra hizpide baziren, hastear den asteburuak udaberri kutsua izango du: giro epela, larunbat bustai eta igande eguzkitsua izango ditugu.

Karmele Gurrutxaga psikologoak udaberrian pertsona askok sentitzen duten nekea edo tristura azaldu digu. Mitoa da? Zer lotura dauka meteorologiarekin? Zer egin dezakegu asteniari aurre egiteko?

"Teknopolis" saioan bakarrik ez, sarean ere ohikoak izaten dira negutik udaberrirako aldaketaren irudiak. Ikusgarriak dira guztiak, animali, landare zein paisaiak izanda ere.

Landareak loratzen hasita daude, animaliak lozorrotik ateratzen… Baina, zerk aktibatzen du naturaren iratzargailua? Zer gertatzen da aurreratu edo atzeratu egiten bada? Aiako Harrian barna ibilaldi bat egin dute Aranzadiko Beñat Arroyo, botanikariarekin, eta Carlos Cabido, herpetologoarekin.

Jose Antonio Navarro Donostia Ospitaleko alergologoak esan digunez, oso garrantzitsua da gaixoak jakitea zein poleni dion alergia, bere burua babesteko neurriak noiz hartu behar dituen jakiteko (musukoak, adibidez, asko laguntzen du). Hainbat jakingarriren berri eman digu medikuak.

Udaberrian sartu gara eta neguko landareak kentzeko garaia iritsi da. Lolirekin egon gara, eta garaiko lore batzuk ekarri dizkigu. Gainera, hauek nola landatu, zaindu eta mantendu azaldu digu.