Suliz eta Issis Valle ahizpa hondurastarrek Tolosan duten jatetxean Hondurasko eta Latinoamerikako jakiak eskaintzeaz gain, hemengo platerak ere eskaintzen dituzte. Gainera, Txeiky jatetxean tako-potea egiten dute. Honduraseko piper-opilak nola prestatzen dituen erakutsi digu Issisek.
Duela bost hilabete landatutako tipulinak jasotzen lagundu diogu Amaia Odriozola Karabeleko ekodendako kideari. Baratza modu ekologikoan zaintzeaz eta ekoizpen mota horren onurez aritu zaigu. Horrez gain, tipula gorriaren sustraiak eta hostoak jangarriak direla ikasi dugu.
Ze aukera osasungarri zan dezakegu kanpoan jaten dugunean? Hainbat gomendio luzatu dizkigu Andrea Larreak, Durangoko On Ekin Nutrizio Zentrotik. Ibilaldietan, jatetxeetan edota buffet libreetan zein aukera ditugun aztertu ditu. Eta batik bat, gure nahi eta beharrekin konektatzea funtsezko dela dio.
Jon Andikoetxeak azaldu digunez, Laura Razquinek gozo beganoak, gluten eta azukrerik gabekoak eskaintzen ditu Lula's Bakery Barakaldoko gozotegian. Gozogintza pertsonalizatua eskaintzen du, eta tailerrak ere ematen ditu. Crookieak prestatu ditu, croissantak eta gailetak uztartuta.
Urtero birritan edo hirutan egiten du Donejakue bidea. Herri txikiek duten xarma berezia gustuko du Usabiagak, eta orain arteko bizipen nabamenenak partekatu ditu Joseba Argiñanorekin.
Monica Santisok nabarmendu duenez, Donostian kokatutako Labe Jatetxean tokian tokiko ekoizleekin lan egiten dute, denboraldiko produktuak oinarri izanda "proposamen sortzaileak eta dibertigarriak eskaintzeko bezeroei".
Bilboko Uribarri auzora joan gara olagarroa prestatzeko era berritzaileen bila. Gon-Vaz jatetxeko plater kutunena aurkeztu digute sukaldariek. Ikusi zer den pankoa eta nola prestatzen duten!
Kola gehien edaten den freskagarrienetarikoa izan arren, bere errezeta misterioa da oraindik. Horregatik, Joseba Argiñanok edariaren bertsio propioa egitera animatu da. Probatu nahi al duzu?
Entsalada batekin plater bakar eta osasungarri bat prestatu dezakegu. Amaia Diaz de Monasterioguren nutrizionistak jatordu baterako egokiak izan daitezkeen entsaladak proposatu dizkigu.
Jurgi Arejita sukaldariak sushia egiteko aholkuak emango dizkigu Bilboko Malaespera txokoan. Uramakiak, Hosomakiak, Futomakiak, Nigiriak eta Sashimiak egin dizkigu, pausoz pauso.
Ane Ortizek Pobeñatik (Muskiz) azaldu digunez, Itsaslur proiektuaren bidez bazterketa arriskuan dauden pertsonei prestakuntza eta lana ematen diete, eta lurreko hainbat produktu ekoizten dituzte. Gehigarririk gabeko produktu naturalak eskaintzen dituzte: gazpatxoak, barazki kremak…
Mikel Madariagak azaldu digunez, Sondikako Victor harategian lurraldeko nekazariek ekoizten duten haragia eskaintzen saiatzen dira, ahal den heinean. Bestetik, plater prestatuak ere eskaintzen dituzte. Odolki fideua nola egiten duten azaldu digu Jon Uriondo sukaldariarekin.
Gaur Hanburgesaren Nazioarteko Eguna da eta Algortako Tipula Burger berrira hurbildu gara eta "El Pijo" hanburgesa txapelduna egin digute. Hanburgesa hau Espainiako txapelketan Bizkaiko garaile eta Euskadiko 3. hoberena hautatu zuten.
Juanjo Intxausti Legazpiko Azpikoetxe jatetxeko arduradunak dioenez, eguneko menua eskaintzen dute, baita asteburukoa eta pintxoak ere. Plater tradizionalak prestatzen dituzte. Zigalatxoak pipermorroekin nola kozinatzen dituen erakutsi digu Juan Mari Arzaken ikaslea izandakoak.
Algortako La Birrotxa "tabeerna"ko bazkideak dira Edu Gartzia, Tito Esteban eta Sira Antolin. Eduk azaldu digunez, Titok ekoizten duen garagardoa eskaintzen dute, baita "beermuta" eta kalimotxoa ere. Txibierro beltzak edo black rabas nola prestatzen dituzten azaldu digute.
Usurbileko Eskura Dietetika zentrora hurbildu gara eta otordu osasuntsuak egiteko hainbat proposamen eta ideia eman dizkigu Igor Gorritik. Adibidez tomate cherry edo erremolatxarekin egindako humusa.
Irene eta Esther Fernandezek Cóqueti Cakes gozogintza dendan zelako gauza ederrak egiten dituzten erakutsi digute. Gainera mugurdiz betetako banillazko cupcake-a eta red velvet cupcake-a nola egiten duten ikusi dugu.
Malatesta pizza eta garagardo kooperatibaz eta bertan duten eskaintzaz aritu zaigu Aritz Aranguren Iruñeko Txantrea auzotik. Pizza eta garagardo ekologikoak eskaintzen dituzte. Saltxitxa fresko eta Scarmorza pizza nola egiten duten erakutsi digu Lorentzo Nobilik.
Eibarko Güreik Marketean Euskal Herriko produktuak saltzen dituzte. Zonalde deberdinak ditu azokak: Upategia, okindegia, glutenik gabeko gunea, kontsernen zonaldea...