Renfe

Erasoa pasa den martxoaren 20an gertatu zen Renferen Abandoko geltokian. CCOO sindikatuak azaldu duenez, lau segurtasun-langileetatik hiru mutualitatera eraman zituzten, eta horietako bi ez dira oraindik lanera itzuli. Hori dela eta, espraiak eta txalekoak eskatu dituzte beren buruak babesteko.

Hego-haizeak 133 km/h-ko ufadak utzi ditu gaur goizean Euskal Herrian eta, ondorioz, hogei hegaldi bertan behera geratu dira Bilboko aireportuan.

Irun eta Gasteiz arteko tren-zirkulazioa zerbitzuz kanpo dago azpiegituran izandako arazo baten ondorioz, eta Bilboko aireportuan 17 hegaldi bertan behera geratu dira.

Atotxako tren geltoki berriak Urumea aldeko zerbitzua berreskuratuko du astelehen honetan. Obra-fase berri horri esker, behin-behineko terminala, bidaiariak lurrazaleko nasetara banatuko dituen lurpeko behin betiko atarian integratu ahal izango da.

Renfek salatu duenez, "unitate bat margotzen" ari zen grafitigile talde batek bi bidaiariri eraso egin zien joan den ostiralean Ollargan geltokian, Bilboko aldirietako C3 linean. Halaber, Ertzaintzan salaketa jarriko duela iragarri du tren konpainiak, jasandako kalteengatik.

Eusko Jaurlaritzak 2025eko urtarrilaren 1etik aurrera hartuko du bere gain Renfe aldirien eskumena, EAEn urtean 23 milioi erabiltzaile inguruk erabiltzen duten zerbitzua.

Oposizioak tren zerbitzuari egindako kritikak errefusatu ditu Oscar Puente Garraio ministroak Senatuan egin duen agerraldian, eta Francorekin trenak hobeto ibiltzen zirela entzutea bakarrik falta izan zaiola gaineratu du. 

EH Bilduko alkate eta zinegotziek Renfeko aldirietako zerbitzuaren erabiltzaileen kexak helaraziko dizkiote Espainiako Garraio Ministerioari. AHTren obrak eta matxurak direla eta, atzerapenak gero eta handiagoak dira.

Transferentzien Batzorde Mistoak onartu du EAEri eskualdatzea Renferen aldiriko trenbideen zerbitzua, atzerriko unibertsitate titulu eta ikasketen homologazioaren eta baliokidetasunaren kudeaketa, eta nazioarteko babesaren onuradunak autonomia fasean hartzeko sistemaren gaineko eskumenak.

Tren modelo berrian 600 pertsona inguruk bidaiatu ahal izango dute, egungo 392 pertsonen aldean. "Abonoen arrakastaren ondorioz, batez ere gazteen artean, gaitasun handiagoko trenak behar ditugu", adierazi du Jose Antonio Santanok.