París

Harrera Gasteizen egin dute, astearte arratsaldean. Imanol Pradalesek eskerrak eman dizkie kirolariei, Parisko Olinpiar Jokoetan eta Joko Paralinpikoetan egindako lanagatik.

Bost orduko lasterketa eginda, Christophe Laporte nagusitu da, esprintean, Mathias Vaceken eta Jasper Phillipsen aurretik. Bigarrena pega-pega eginda sartu da helmugan; hirugarrena 21 segundora.

Bi domina irabazita, bat urrezkoa eta bestea brontzezkoa, itzuli da Iñigo Llopis Basque Teameko igerilari donostiarra Parisko Joko Paralinpikoetatik. Orain zer-nolako helburuak dituen kontatu du elkarrizketa honetan.

Ander Cepas Basque Teameko mahai-tenis jokalari donostiarrak brontzezko domina irabazi berri du Parisko Joko Paralinpikoetan, eta oso pozik agertu da itzuleran emandako prentsaurrekoan.

Ander Cepasek brontzea eskuratu du mahai-tenisean banaka, S9 modalitatean. Donostiarrak Laurens Devos urrea eskuratzeko faboritoaren aurka galdu du azken-aurreko kanporaketa, 11-7, 11-8 eta 11-7.

"Oso ondo prestaturik nentorren, eta garaia baliatu behar nuen", azaldu du txirrindulariak, Joko Paralinpikoetako erlojupekoan zilarrezko domina irabazita.

Parisko Joko Paralinpikoetan, mahai tenisean, Ander Cepasek ibilbideari ekin dio. Donostiarrak Koyo Iwabuchi japoniarraren aurka jokatu du final zortzirenetako partida, eta 3-1 irabazi du; hortaz, final laurdenetan izango da, eta diploma bermatu du. 

Parisko Joko Paralinpikoetan, gurpildun aulkiko saskibaloiko txapelketan, Espainiako selekzioak, final laurdenetan, galdu egin du, Alemania aurkari, 49-57; hortaz, Asier Garcia bilbotar jokalaria dominaren bat lortzeko lehiatik at gelditu da.

Iñigo Llopis Basque Teameko euskal igerilariak brontzezko domina lortu du 2024ko Parisko Paralinpiar Jokoetako igeriketako maila mistoko 4x100 metro estiloko erreleboan. Domina zintzilikatu ostean, Llopisek EITB Mediarekin hitz egin du.

Iñigo Llopis gipuzkoarrak 100 metro bizkarreko paralinpiar proba irabazi du larunbat honetan Parisen, elbarri fisikoen S8 mailan. Llopisek Richard Oribe eta Javier de Aymerich entrenatzaileei eskaini nahi izan die domina hau. Aymerich pasa den urtarrilean zendu zen.

Parisen Paralinpiar Jokoak martxan dira, historiako ediziorik unibertsal eta berdinzaleena. 167 herrialdetako 4.400 kirolari izango dira aurtengo hitzorduan, baita errefuxiatu talde bat eta 96 kirolari neutral ere.

Iker Sastre eta Ander Cepas, Basque Teameko mahai-teniseko jokalariak, prest daude Parisko Joko Paralinpikoetan lehiatzeko. Dominaren bat lortzea dute helburu.

Iñigo Llopis Basque Teameko igerilaria Parisen da Joko Paralinpikoetan lehiatzeko. Nola sentitzen den kontatu du elkarrizketa honetan.

Nahia Zudaire Basque Teameko igerilaria oso pozik eta ilusionatuta agertu da Parisko Joko Olinpikoen atarian. Egindako lana uretan ikustea da bere asmoa.

Gurpildun saskibaloiean arituko dira gehienak (5); txirrindularitzan eta igeriketan launa; bi mahai-tenisean, eta bana izango dira arku-tiraketan, tiraketan, piraguismo sprintean, boccian eta triatloian.

Rion eta Tokion diploma lortu ostean, gogotsu egin die aurre Raquel Mateo triatleta paralinpikoak Parisko Paralinpiar Jokoei. Dominak lortzea zail ikusten du, baina ahalik eta ondoen lehiatzea espero du.

Ez dira Nahia Zudaire eta Iñigo Llopisen lehen Jokoak, izan ere, 2020an Tokion izan ziren. Oraingoan, nafarra lau probatan arituko da eta bular estiloko 100 metroetan ikusten ditu aukera gehien. Hernaniarra, aldiz, munduko txapelduna da S8 bizkarkako kategorian.

Ander Cepas eta Iker Sastre mahai-tenis jokalariak gogotsu daude Pariseko Joko Paralinpikoetan parte hartzeko. Dominaren bat lortzeko asmoz lehiatuko dira biak.

Asier Garciak laugarren aldiz parte hartuko du Paralinpiar Jokoetan, eta dagoeneko badaki zer den domina bat irabaztea (zilarra eskuratu zuen Tokion). Parisen urrea lortzeko asmoa du gurpil aulkiko Espainiako saskibaloi selekzioarekin.

Higinio Rivero Basque Teameko piraguista prest da 2024ko Parisko Paralinpiar Jokoetarako. Bilbokoaren helburua argia da: Tokioko Paralinpiar Jokoetan lortu zuen diploma olinpikoa hobetzea. Riverok EITB Mediarekin hitz egin du 2024ko Parisko hitzorduari buruz.