Osasuna

Antsietateaz, honek dituen sintoma fisikoez, izu atakeez, estresaz eta ziurgabetasunak eragiten digun kezkaz aritu dira Irati Perez psikologoa eta Ane Zuazubiskar.

EHUko Medikuntza eta Erizaintza Fakultatean izan da Alberto Martinez Eusko Jaurlaritzako Osasun sailburua, Leioan, eta han bertan oso baikor azaldu da osasun itunaren inguruan. Gainera, akordioan parte hartuko duten eragile guztien "lankidetzarako eta lanerako jarrera" azpimarratu du.

Gizon edo emakume izateak eragina du gaixotasun kardiobaskularrak dituzten pertsonen heriotza-tasan. Gizonen artean, heriotza-tasa % 6,7koa da, eta % 17koa emakumeen kasuan. Beñat Urruzolak Donostia Ospitalean egindako ikerketa baten emaitzak dira.

Bi artistek Hemendik At taldearen abesti ezagun honen bideoklip solidarioa grabatu dute. EITB Maratoiak berak bezala, 25 urte bete dituen kantua da. Herritarrei dei egiten zaie kate honekin bat egin eta kantuan eta dantzan grabatzeko.

30 elkartek osatzen dute plataforma. Osasunaren euskal itunarekin oso kritiko azaldu dira gaur aurkeztu duten diagnostikoan.

Berrizen (Bizkaia) hiru mediku plaza egon arren, osagile bakarra izan dute orain arte. Egoera salatzeko hainbat manifestazio egin dituzte bizilagunek, eta joan den astean, 16 bizilagun osasun zentroan sartu ziren eta bertan eman zuten gaua, Osakidetzaren aldetik erantzun bat jaso zuten arte.

Prokrastinazioaz, zeregin desatseginak atzeratzeaz eta erabakien atzean dauden emozioez aritu dira Irati Perez psikologoa eta Ane Zuazubiskar, Ez Hain Ondoren bigarren denboraldiko lehen atalean.

Kardiopatia batekin jaio zen Aloña Erauskin, eta horixe hartu du oinarri Bizi bihotzak eztanda egin arte liburua idazteko. Duela bi urte bihotzak eztanda egin zion; taupadak azkarregi zihoazen. Gelditu egin behar izan zioten, eta berriz martxan jarri. Lanerako ezintasuna dauka, erretiroa hartu du.

Iñigo Antsorregik dioenez, berandu jabetu zen zuen gaixotasunaz: depresioa zuen. Nire minaren etxean liburua idaztea sendagarri egin zitzaion, terapiarekin batera. Orain oso ondo dago, eta bizitzan eta literaturan kapitulu gehiago bizitzeko eta idazteko asmoa du.

Lana eta bestelako ardurak bere buruaren aurretik jartzeak gaixotu eta 2022an krak egin zuen Iratxe Etxeberria kazetariak. Bizipen hori oinarri, 7.300 miligramo eszitalopram liburua idatzi du. Dioenez, idazketak terapia modura lagundu zion, eta hori kontatzeko beharrak eraman zuen argitaratzera.

Espainiako Gobernuak planteatu du bajatik "pixkanaka lanera itzuli" ahal izatea, sendagiria jaso ondoren eta medikuen ikuskaritzapean. Zalantzak oraindik asko dira, baina Europan ez da kontu berria. Izan ere, 10 herrialdetan egiten da.

Nerabezaroa modu bereziki gatazkatsuan igarotzen ari diren nerabeei eta horien familiei laguntza ematen die Norbera programak. Leire Zapirain programako zuzendariak azpimarratu du gatazka horiei aurre egiterako orduan familiek berebiziko garrantzia dutela.

Oso hunkituta hitz egin du Iker Galartzak bere gaixotasunaz, Hamaika Entzuteko saioan. Legionella bakterioak infekzioa eragin zion. 9 egun egin zituen koman, 20 ZIUn eta hilabete baino gehiago ospitalean. Oso eskertuta dago artatu duten osasun-langileekin eta Gure Zirkuako familiarekin.

Alberto Martinez Eusko Jaurlaritzako Osasun sailburua bileraren buru izan da, alderdiekin, sindikatuekin, patronalarekin, ikastetxe profesionalekin, pazienteekin eta unibertsitateekin. ESK bilerei batuko zaie.