Olatz Simón

Hiriaren itxura guztiz aldatuko duten neurrien helburua beroaren ondorioz hiltzen direnen kopurua murriztea da. Adituen ustez, 50 graduko egunak gero eta ohikoagoak izango dira 2050erako.

Interes tasak igo eta 24 ordura, eta First Republic bankuaren erreskatearen ondotik, Europako Banku Zentraleko ikuskaritza kontseiluak ezohiko bilkura egin du. Aldaketa handiak gertatzen direnean egin ohi dituzte halakoak.

Eliseo jauregian hartu du aurrenekoz Macron presidenteak Rishi Sunak Erresuma Batuko lehen ministroa, eta adiskidetasun keinuak izan dituen bilkura horrekin, azken urteetako tentsio diplomatikoen amaiera irudikatu dute.

Pentsioen erreforma Emmanuel Macronen eronka nagusia bihurtu da boterera iritsi zenetik. Hauek dira sindikatuak eta gizarte-eragileak aurka jarri dituen legearen gakoak.

Arratoiak akabatzeko esku-hartzeak % 35 hazi ziren iaz, izan ere pandemia ondoren, gero eta jende gehiagok jaten du kalean eta uzten diren hondakinak aukera paregabea dira arratoiak ugaritzeko.

Saltzen dituen aparatu elektroniko guztietan guraso-kontrola inposatuko duen munduko lehen estatua izango da Frantzia, eta pornografia eskaintzen duten webguneei erabiltzaileak benetan adinez nagusiak direla frogatzea exijituko die gobernuak.

Zakarreriaren kontrako legea martxan da; baxerak 60 gradutan garbitu beharko dituzte jatetxeek berriro erabili ahal izateko.

UNESCOk baguetta eta euren guztien maisutasuna Gizateriaren ondare izendatu ditu eta. Frantziaren ikurretako bat da baguetta, eta sari kolektibo gisa hartu dute izendapena herritarrek ere.

Macron presidentegaiak gehiegizko konfiantzaz ohartarazi du eta azken orduko proposamenak egin ditu. Le Pen ultraeskuindarrak merkatu batean eta jendez inguratuta egin du kanpainako azken ekitaldia.

Frantzian, hauteskundeetako bigarren itzuliaren atarian “Ez Macron, ez Le Pen” lelopean hainbat unibertsitatetan itxialdiak egiten ari dira. Sorbonako unibertsitatean, kasu, azken orduotan poliziari entzungor eginez, gazte gehiago batu dira mobilizaziora.

Emmanuel Macronen eta Marine Le Penen helburua, jakina, lehen itzulian bazterrean geratu diren alderdien botoak eskuratzea da..

Colonnaren heriotzaren ondorengo dolua amaitu da eta orain politikako aro berri bat has daiteke Korsikan. Gilles Simeonirekin, Korsikako Kontseilu exekutiboko presidentearekin, hitz egin dugu.

Bi semerekin irten zen Ukraniatik Olga, bonbardaketek bere etxea suntsitu aurretik. Boluntario poloniar batek eraman zituen Frantziara eta Lander Alberdi eta familia, kotxea hartu eta Frantziara abiatu ziren, euren bila.

Legea aho batez onartu du Asanblea Nazionalak eta Senatuaren tramitearen zain dago. Aurrerapauso garrantzitsu hau lortzeko borrokatu den terapia hauen biktima batekin izan da ETB Parisen.

1950az geroztik, gutxienez 219.000 kasu izan omen dira, soilik elizgizonek egindakoak. Horiei, elizarentzat lanean aritzen diren pertsona laikoenak gehituz gero, 330.000 omen dira.

AEBk, Erresuma Batuak eta Australiak osatu duten aliantzaren ondorioz, Frantziak 56.000 milioiko kontratua galdu du. 12 itsaspeko ekoitzi behar zituen Australiarentzat, baina Estatu Batuak tartean sartu eta kontratua galdu du. Oso haserre daude frantziarrak.

Estatu Batuetako armadak Vietnamgo gerran erabili zuen arma kimiko gisa. Gaur egun, oraindik, urtero 6.000 ume jaiotzen dira malformazio larriekin. Frantziako Justiziak atzera bota du kasua.

Frantziako Osasun Ministerioak edo Gobernuak garatutako aplikazioek baino arrakasta gehiago du informatikari gazte batek sortutako webguneak. Guillaume Rozier sortzailearekin izan da ETB.

Frantzian egoera larria da berriz ere. Pandemiak 100.000 hildako baino gehiago utzi ditu jada, eta ZIUak gainezka daude, 6.000 gaixorekin. Bertan lanean ari den euskaldun batekin egon da ETB.

Frantzian Emmanuel Macronenganako presioa handitzen ari da, egoera okerrenean dauden eskualdeetan konfinamendu zorrotza ezarri dezan. Esaterako Paris iparraldean, Seine Saint Denis departamenduan.

Frantziako gotzainen bilerak bultzatutako batzorde independente batek, dagoeneko, 4.000 biktima identifikatu ditu, baina oraindik kasu asko falta omen dira.

Italiako eta Vatikanoko museoek berriz ireki dituzte ateak. Frantzian urritik itxita egon dira, eta oraindik ez dakite noiz zabalduko dituzten. Lanak zaharberritzeko aprobetxatzen ari dira.