Enpresak jakinarazi duenez, "arazo teknikoengatik" egin dute etenaldia 06:00 aldera, eta bost ordu behar izan dute konpontzeko. Goizeko 11:00etan berriz ere lehen trena atera da, behar den frogak egin ondotik.
Ertzaintzak atxilotutako lau pertsonak, bi gizon eta bi emakume, epailearen aurrera eraman dituzte osasun publikoaren aurkako ustezko delitu bat, suzko armak legez kanpo edukitzea eta talde kriminaleko kide izatea egotzita.
Agenteek hamar pertsona atxilotu eta espetxeratu dituzte, horietako bat Ertzaintzako agentea, droga-trafikoa, fluido elektrikoaren iruzurra, sekretuak ezagutaraztea eta erakunde kriminaleko kide izatea egotzita.
Atxilotuak dozena inguru izan daitezke, eta une honetan Sestaoko ertzain-etxean daude. Polizia-operazioa amaitu da jada, baina ikerketak aurrera jarraitzen du.
Elixabete Etxanobe Bizkaiko ahaldun nagusiak agerraldia egin du Batzar Nagusietan, EH Bilduren galdera bati erantzuteko. Koalizio subiranistako batzarkideak 1. linean maiztasunak areagotzea eskatu du, Uribe Kostari zerbitzu hobeagoa emateko.
Sei hizkuntza hitz egiten ditu Indiatik etorritako apaiz klaretar honek. Duela sei urte etorri zen Euskal Herrira; Iruñeara lehenengo, Errenteriara gero eta Leioara azkenik. Euskara ezagutzearen beharraz Errenterian igarri zuen, tokiko kultura eta historia ezagutzeko garrantzitsua delakoan.
Goizaldeko hamabi eta erdiak aldera, gizon bat Leioako gasolina-zerbitzugune batera joan da, eta hiru bidoi erosi eta erregaiz bete ditu. Handik pixka batera, gasolindegiko langile batek sutan ikusi ditu bidoiak.
Sevillan irabazitako titulua Bilbok eta Bizkaiak beti gogoan izango duten festa batez ospatu du Athleticek, bere zaleekin batera. Gabarraren ibilbidea, Getxotik Bilboko udaletxeraino, ezin jendetsuagoa izan da, eta Bizkaiko hiriburuan izandako ospakizunek aurreikuspen guztiak gainditu dituzte.
Eusko Jaurlaritzaren neurria gaur 15:30ean sartu du indarrean, Bilbon eta itsasadarraren bi ertzetan bilduko diren milaka eta milaka pertsonen segurtasuna bermatzeko.
Itsasadarraren bi ertzetan milioi bat pertsona baino gehiago espero dira. Bertaratuko diren zaleek aintzat hartu beharreko zenbait kontu daude: kale batzuk itxita egongo dira, baita oinezko pasabide batzuk ere, eta zenbait lekutan mugatua izango da edukiera. Kontsultatu debeku eta gomendioak.
Bilbon eta Bizkaiko hiriburuaren metropoli barrutian milioi bat pertsona inguru batzea aurreikusi dute, itsasadarraren ertzetan batik bat, lehoiak omentzeko festan. EITBk, ETB1en eta eitb.eus-en bidez, zuzenean emango du, 15:45etik aurrera.
Ostegun arratsaldean, Bizkaian, Athletici harrera egingo zaio Kopa irabazi duelako. Hauek dira jai honetan aurreikusten diren zenbait zenbaki, Bilbon eta gabarra igaroko den herrietan.
3 kilometroko lehen zati honek Lamiako eta Altzaga auzoak lotzen ditu. Bigarren zatia, Erandiotik Bilbora artekoa, 2025eko maiatzean bukatuko dute. Bulebarrari esker, oinezko zein ziklistek Getxo eta Bilbo arteko bidea egingo ahalko dute, itsasadarrarekiko paraleloan.
Sua 01:15ean piztu da, eraikineko aparkalekuan, eta hainbat bizilagun etxetik atera behar izan dituzte. Sei pertsona artatu dituzte kea arnasteagatik, eta horietako bat Urdulizko ospitalera eraman behar izan dute (Kerman Goikuriaren irudiak).
Sei horietako bat Urdulizko ospitalera eraman dute. Hasiera batean bizilagunak etxetik atera badituzte ere, behin sua itzalita, goizeko lehen orduan itzuli ahal izan dira.
Yaser Hamed futbolariak 26 urte ditu, Leioakoa da, eta oraintsu Palestinako selekzioarekin Asiako Kopan izan da. Talde palestinarrak historia egin du, lehendabiziko aldiz gainditu duelako multzoen fasea. Tamalez, Qatarrek kanporatu egin du final-zortzirenetan.
20 urteko ibilbidean gaztelaniaz egindako lehen kantua kaleratu du taldeak, "beti gure bihotzean gurekin egongo den kapitainari" eskainia. Alboan izan dituzte Fito, Quique González eta David Ruiz, La M.O.D.A.-koa.
Itsasadarreko bulebarrak Getxon eta Bilbon lehendik dauden oinezkoentzako eta txirrindularientzako bideak lotuko ditu, 6,5 kilometroko ibilbide batekin, egungo BI-711 errepidean.
BI-637 errepidean, bost autok egin dute talka Erandiorako bidean, eta errei bat itxi behar izan dute. Autobidean hiru izan dira nahastutako ibilgailuak, eta bi errei zarratu dituzte. Ordu eta erdi geroago, bi errepideetako errei guztiak irekita zeuden.
Basajaun bat egin du Lander Alvarez de Eulate lorezainak Pinosolon, landareak, lurra eta egurra erabilita. Natura zaintzeko premiaz sentsibilizatzeko tresna bikaina da, baita euskal mitologia ezagutzeko modua ere, horren ustez.
Andrea Arrizabalagaren jatetxerik kuttunena da Leioako Oé Bistro. Bere hitzetan, sukaldaritza beganoa ez da batere aspergarria, gauza anitz jaten dela dio. Adibide modura, gazta beganoarekin Giuseppe Ammendolak, Oé Bistróren jabeak, prestatu digun plater hau.
Artea merkataritza-zentroan, Leioan (Bizkaia), bi milioi euro baino gehiago banatu dituzte Erregetako loteriaren saritan, eta beste hainbeste Laudion, La Casa de Resa loteria-administrazioan.
Errepidea erabat itxita egon da farola bat bertara erori delako. Ondoren, errei bat zabaldu dute. Kale-argia eta ezbeharra izan duten hiru ibilgailuak errepidetik kendu ondoren, pixkanaka-pixkanaka zirkulazioa normaltasunera itzuli da.
Euskal konpainiak haur eta nagusientzako lan berria estreinatuko du gaur, abenduak 29, Leioan. Ohi dutenez, testurik gabeko antzezlana da, eta maskarak eta keinuak dira oraingoan boterearen miserien ingurukoak komunikatzeko bidea.
Umeak eskolan utzi berri zituen autobus batek, atzeraka zihoala, horma bat jo eta gas-hodi bat apurtu du. Ezbeharra 08:25ean izan da, eta 09:00ak alderako ekarri dute egoera bere onera.
Jada ireki dituzte istripu baten ondorioz N-637 errepidean, Galdakaoko noranzkoan, itxi dituzten bi erreiak. Halaber, beste bi istripu izan dira Artatzan (Leioa), eta han ere pilaketak sortu dira Bilboko noranzkoan. Emakume bat ospitaleratu dute, Derion haren ibilgailua irauli ostean.
Guardia Zibilak 31 pertsona atxilotu ditu Kantabriako, Palentziako eta Leongo espetxeetan drogak sartzen zituen erakunde bateko kide izatea egotzita. Horretaz gain, Bizkaiko eta Kantabriako hainbat herritan ere saltzen zuten droga. Operazioan zehar, miaketa bat egin da Leioan.
2023ko Tourraren lehen etapa Bizkaian jokatuko dute, osorik. Ibilbidean, bost mendate puntuagarri izango dira; horietako bat, Ganguren, 2. mailakoa, eguneko gogorrena izango da, baina Pike, 3. mailakoa, helmugatik 10 kilometrora, erabakigarria izan liteke.
Kontsultatu zein udalerritan ibiliko den 2023ko Frantziako Tourraren 1. etapa, eta zein ordutan izango den udalerri bakoitzean. Ibilbidea Bilbon hasi, eta hiriburuan bertan amaituko da.