Zuzenean

Bilatu

Iruzurrak

1 / 15 Hurrengoa

Telefono kontratuekin eta gailu elektronikoen salmentarekin iruzurra egiten zuen gaizkile taldea desegin dute

#-published-#: 2024/12/10 12:38 (UTC+1) Azken eguneratzea: 2024/12/10 12:38 (UTC+1)

Ertzaintzak eta Guardia Zibilak 12 pertsona atxilotu ditu Bizkaian eta Burgosen. Iruzurra egotzita, talde horren kontrako 50 salaketa baino gehiago jaso dituzte Espainiako Estatu osoan. Ikerlarien arabera, legez kontra lortutako gailu elektronikoak salerosita ia 200.000 euroko iruzurra egin dute.

Azkoitiko andre bat atxilotu dute adimen artifizialaren bidez 311 gizoni estortsioa egiteagatik

#-published-#: 2024/12/06 14:18 (UTC+1) Azken eguneratzea: 2024/12/06 14:18 (UTC+1)

Bere buruaren irudi faltsu bat sortu zuen, eta gorputz irreal bat erakutsi zuen sarean. Berarekin harremanetan jarri ziren gizonen konfiantza bereganatu zuenean, eta haiei sexu kutsuko argazkiak eskatu ostean, eduki horiek zabaltzeko mehatxua egin zien, diru kopuru jakin bat ordaindu ezean.

'Spam' telefono-deien aurkako borrokak aurrera darrai

#-published-#: 2024/11/22 12:37 (UTC+1) Azken eguneratzea: 2024/11/25 12:37 (UTC+1)

Dei komertzialak baimenik izan gabe egitea debekatzen duen legea indarrean badago ere, nahi ez ditugun merkataritza-deiak ugaritu egin dira azken aldian. Hala ere, baliteke praktika desatsegin honen bukaera gertu egotea, Espainiako Gobernuak neurri berriak iragarri baititu.

Espainiako Gobernuak ayudavalencia.es webgunea blokeatu du iruzur zantzuak atzemanda

#-published-#: 2024/11/08 17:04 (UTC+1) Azken eguneratzea: 2024/11/08 17:04 (UTC+1)

Hondamendiak kaltetutako herritarrentzat donazioak eskatzen omen zituen, kriptotxanponen bidez. Herritar batek salatu du, iruzurra delakoan, eta horregatik itxi dute ataria.

Bere izenean egiten ari diren iruzur saiakera baten inguruan ohartarazi du Euskal Herriko Unibertsitateak

#-published-#: 2024/10/06 21:20 (UTC+2) Azken eguneratzea: 2024/10/06 21:20 (UTC+2)

Ikasle eta unibertsitate komunitateko pertsona askok 850 euroko matrikula-tasak ordaintzeko eskatzen duen mezu bat jaso dutela jakinarazi du. Mezu hori iruzur bat dela ohartarazi eta kontuan ez hartzeko eskatu du.

Bizkaiko Aldundiaren izenean telefono bidez iruzurra egiten ari direla ohartarazi dute

#-published-#: 2024/09/27 19:15 (UTC+2) Azken eguneratzea: 2024/09/27 19:15 (UTC+2)

Ogasuneko intzidentzia bat dela eta, webgune batera sartzeko eskatzen dute. Aldundiak ukatu egin du mezu horiek berak bidali izana, eta webgune horretara ez sartzeko aholkatu du, iruzurra delako.

150.000 euroko iruzurra egin diote emakume bizkaitar bati "Brad Pitt faltsua" delako metodoarekin

#-published-#: 2024/09/23 12:11 (UTC+2) Azken eguneratzea: 2024/09/23 12:11 (UTC+2)

Zibergaizkileek biktimaren profil psikologikoa aztertu zuten, eta zaurgarria zela egiaztatu ondoren, Brad Pitt aktorearekin mezuak trukatzen ari zela sinestarazi zioten. Pertsona bat atxilotu dute Bizkaian eta beste hiru ikerketapean jarri Zornotzan.

Iñaki Barreiro: ''Banketxeek oso segurtasun neurri gutxi betetzen dituzte transferentzien kasuan''

#-published-#: 2024/09/18 18:44 (UTC+2) Azken eguneratzea: 2024/09/18 18:44 (UTC+2)

Iñaki Barreiroren enpresari faktura bat hackeatu eta 52.000 euroko iruzurra egin zioten. Bezero bati faktura bidali zioten posta elektronikoz, iruzurgileak zenbakia aldatu eta bezeroari bidali zion, eta bezeroak iruzurgileari egin zion ordainketa. Salatu egin zuten baina ez zuten ezer lortu.

Pertsona bat atxilotu dute Gasteizen "estuasunean dagoen semea" iruzurrarekin ustez lotura izatea egotzita

#-published-#: 2024/07/20 14:00 (UTC+2) Azken eguneratzea: 2024/07/20 14:00 (UTC+2)

Beste 14 pertsona atxilotu dituzte Madrilen, Ciudad Realen, Guadalajaran, Coruñan, Cuencan, Almerian eta Sevillan.

Konstituzionalak Griñan diruak bidegabe erabiltzetik libre utzi du, baita Chaves prebarikazio zati batetik ere

#-published-#: 2024/07/16 08:53 (UTC+2) Azken eguneratzea: 2024/07/17 08:53 (UTC+2)

Auzitegi Konstituzionalak Jose Antonio Griñan Andaluziako presidente ohia diru publikoak bidegabe erabiltzetik salbuetsi du, baita Manuel Chaves zigortu zuen prebarikazioaren zati batetik ere.

Hiru pertsona atxilotu dituzte Gipuzkoan erroldatze faltsuen aurkako operazio batean

#-published-#: 2024/07/05 16:47 (UTC+2) Azken eguneratzea: 2024/07/05 16:47 (UTC+2)

Era berean, Polizia Nazionalak zazpi zigor-espediente abiatu ditu Immigrazio Legea hausteagatik erroldatze faltsu horiek baimendu zituzten etxebizitzen maizterren aurka eta beste bederatzi horietan erroldatu ziren atzerriko herritarren aurka.

Gizon bat atxilotu dute Arrasaten, futbolean jokatu nahi zuten Kolonbiako 25 gazteri iruzur egiteagatik

#-published-#: 2024/06/15 09:26 (UTC+2) Azken eguneratzea: 2024/06/17 09:26 (UTC+2)

Gazteen esanetan, Euskal Herriko futbol taldeetan jokatzeko probak egiteko aukera hitzematen zietelako etortzen ziren.

12 lagun atxilotu eta faltsututako telefonia mugikorreko 5.319 produktu atzeman dituzte Bizkaian

#-published-#: 2024/06/07 13:16 (UTC+2) Azken eguneratzea: 2024/06/07 13:16 (UTC+2)

Asia hego-ekialdeko herrialdetatik ekarritako produktu horiek 406.387 euroan balioetsi dituzte.

Imanol Arias aktoreak Ogasunari iruzur egin ziola onartu du, kartzelan ez sartzeko akordioa lortuta

#-published-#: 2024/06/04 09:22 (UTC+2) Azken eguneratzea: 2024/06/05 09:22 (UTC+2)

Ana Duato aktoreak, berriz, ez du akordiorik lortzeko asmorik agertu, leporatutako iruzurraren zati bat itzuli zuen arren. Fiskaltzak 32 urteko kartzela-zigorra eskatu du berarentzat.

Bi emakume atxilotu dituzte Donostian tratamendu mediko-estetikoak egiteagatik, beharrezko egiaztagiririk gabe

#-published-#: 2024/05/27 14:53 (UTC+2) Azken eguneratzea: 2024/06/04 14:53 (UTC+2)

Hainbat substantzia injektagarri konfiskatu zizkieten atxiloketaren unean. Substantzia horiek ez zuten Europar Batasunaren berme-ziurtagiririk etiketan. 7.000 euro ere atzeman zizkieten.

Komunitate erlijiosoen artean dirua lortu nahian dabilen iruzur batez ohartarazi du Bilboko Elizbarrutiak

#-published-#: 2024/05/23 13:32 (UTC+2) Azken eguneratzea: 2024/05/23 13:32 (UTC+2)

Gizon batek mojen kongregazio batera deitu du Segura gotzainaren ahotsa simulatuz eta ustezko dohaintza bat kobratzeko transferentzia gastuak ordaintzeko eskatuz. Elizbarrutiak nabarmendu duenez, "gotzainak ez du inoiz deitu, ezta deituko ere, komunitate bati dirua eskatzeko".

Kanarietako Osasun Kontseilaritzaren egoitza miatzen ari dira, "maskaren auzia" delakoaren barruan

#-published-#: 2024/05/09 09:02 (UTC+2) Azken eguneratzea: 2024/05/10 09:02 (UTC+2)

2022an maskaren erosketan Kanarietako Osasun Kontseilaritzari ustez egindako lau milioi euroko iruzurra ikertzen ari da Polizia, eta auzi horrekin lotutako dokumentazio topatu nahi dute miaketan.

BetiON zerbitzuarekin iruzurra egin nahian ari diren telefono deiez ohartarazi du Jaurlaritzak

#-published-#: 2024/05/09 08:41 (UTC+2) Azken eguneratzea: 2024/05/09 08:41 (UTC+2)

Telelaguntza zerbitzua "65 urtetik gorakoentzat derrigorrezkoa" dela esaten duten deiak jasotzen ari dira herritarrak. Jaurlaritzak gogorarazi du zerbitzua hautazkoa dela eta iruzurgileek erabiltzaileen datu pertsonalak edo bankukoak eskuratzeko helburua besterik ez dutela oharatarazi du.

Ayusoren mutil-lagunaren kereila babestu edo errefusatu erabakiko du gaur buruzagitza fiskalak

#-published-#: 2024/04/24 10:02 (UTC+2) Azken eguneratzea: 2024/04/24 10:02 (UTC+2)

Gonzalez Amadorrek zortzi hilabeteko kartzela-zigorra eta bi delitu fiskalengatik 525.000 euro ordaintzea proposatu zion Fiskaltzari, epaiketara joatea saihesteko. Aretoko fiskalek badute dokumentu hori aztertzeko.

Bermeoko fraide bati 239.750 euroko iruzurra egin zion emakumearentzako 3 urteko espetxe-zigorra berretsi dute

#-published-#: 2024/04/18 09:50 (UTC+2) Azken eguneratzea: 2024/04/19 09:50 (UTC+2)

Bizkaiko Lurralde Auzitegiak uste du fraidearen "kalteberasunaz baliatu" zela akusatua, 2018 eta 2019 artean, "benetakoak ez ziren premiei" aurre egiteko dirua eskatzeko.

Internetez saltzen ziren gama altuko marka faltsutuen 22.000 artikulu atzeman dituzte Hernanin eta Bidarten

#-published-#: 2024/04/05 11:24 (UTC+2) Azken eguneratzea: 2024/04/08 11:24 (UTC+2)

Hiru lagun atxilotu dituzte 'Trinchete' izeneko operazio honetan, egoitza soziala aipatu biltegietan zuen enpresa bat osatu, eta horietara iristen baitziren Txinan ekoitzitako produktu faltsuak mezularitza enpresa baten bitartez.

25 urteko kartzela zigorra ezarri diote Sam Bankman-Fried FTX kriptodiruaren plataformako sortzaileari

#-published-#: 2024/03/29 17:12 (UTC+1) Azken eguneratzea: 2024/03/29 17:12 (UTC+1)

Plataformaren milaka bezerori 463 milioi euroko iruzurra egitea egotzi dio Lewis A. Kaplan AEBko epaileak enpresaburu gazteari.

25 atxilotu, horietako lau funtzionarioak, langabezia-prestazioekin iruzurra egiteagatik

#-published-#: 2024/03/27 14:02 (UTC+1) Azken eguneratzea: 2024/03/27 14:02 (UTC+1)

Langabezia-prestazioen kapitalizazioarekin Gizarte Segurantzari lau milioi euro baino gehiagoko iruzurra egiteagatik atxilotu dituzte.

Gonzalez Amador Ayusoren bikotekidea maiatzaren 20rako deitu dute deklaratzera, ikertu gisa

#-published-#: 2024/03/26 08:02 (UTC+1) Azken eguneratzea: 2024/03/26 08:02 (UTC+1)

Madrilgo 19. Instrukzio Epaitegiak bi zerga iruzur eta dokumentuak faltsutzea egotzi dizkie enpresaburuari eta beste lau pertsonari.

Sartagudako alkateak dimisioa eman du, etxeko argindarreko kontadorean iruzurra atzeman eta gero

#-published-#: 2024/03/22 08:56 (UTC+1) Azken eguneratzea: 2024/03/25 08:56 (UTC+1)

Argindar konpainiak atzeman du 30 bat auzokidek modu irregularrean zutela konektatuta sarera etxeko argindarra, eta Santos bera da horietako bat.

Epaitegi batek ikerketapean jarri du Ayusoren bikotekidea, iruzurra egin duelakoan

#-published-#: 2024/03/22 12:06 (UTC+1) Azken eguneratzea: 2024/03/22 12:06 (UTC+1)

Madrilgo 19. instrukzio epaitegiak tramitera onartu du Fiskaltzaren salaketa, eta deklaratzera deitu ditu Alberto Gonzalez Amador eta beste hainbat pertsona Ogasunari 350.000 euroko iruzurra egitea egotzita.

Gero eta iruzur gehiago oporren erreserba egiterakoan: iaz bakarrik 334 salaketa jaso zituen Ertzaintzak

#-published-#: 2024/03/20 09:29 (UTC+1) Azken eguneratzea: 2024/03/21 09:29 (UTC+1)

Ertzaintzak ohartarazi duenez, gero eta iruzur gehiago atzematen dira oporretako bizitokien erreserbak egiterakoan. Iruzur gehienak, erreserba egiten ari garela, web orritik kanpoko esteka bat erabiliz edo webgune faltsu baten bidez gertatzen dira.

Adituek oporrak orrialde ofizialetan erreserbatzea eta ''pagotxez'' ez fidatzea gomendatzen dute

#-published-#: 2024/03/20 09:30 (UTC+1) Azken eguneratzea: 2024/03/21 09:30 (UTC+1)

Iker Legardonek (Ertzaintza) eta Kepa Loizagak (OCU) gomendatzen dute ez fidatzea gure erreserba egiteko datu gehiago eskatuz jasotzen ditugun mezuekin. Gainera, ahalik eta informazio gehien gordetzea gomendatzen dute, iruzur eginez gero erabili ahal izateko.

36 aldiz zigortutako iruzurgile batek sei urte eta erdiko kartzela zigorra onartu du

#-published-#: 2024/03/18 12:34 (UTC+1) Azken eguneratzea: 2024/03/19 12:34 (UTC+1)

EAEko, Nafarroako, Kantabriako eta Aragoiko epaitegiek 36 aldiz zigortu dute irmo iruzurragatik. Hala, berriz zigortu dute bigarren eskuko hiru automobilen salerosketan lau pertsona engainatu izana onartu ostean.

Ogasun ministroari kereila bat jarriko dio Ayusoren bikotekideak "sekretuak ezagutarazteagatik"

#-published-#: 2024/03/15 09:02 (UTC+1) Azken eguneratzea: 2024/03/18 09:02 (UTC+1)

Halaber, ez du baztertzen Fiskaltza eta Zerga Administrazioko Estatu Agentzia salatzea. Fiskaltzaren arabera, baina, salatzaileak berak ustezko delitu fiskalak onartu zituen iragan otsailaren 2an, adostasun akordio bat proposatu zuenean.

Ayusoren bikotekideak bi delitu fiskal aitortu zituen eta Fiskaltzari ituna proposatu zion

#-published-#: 2024/03/14 08:43 (UTC+1) Azken eguneratzea: 2024/03/15 08:43 (UTC+1)

Alberto Gonzalez Amadorren abokatuak mezu elektronikoa bidali zion otsailean Ministerio Publikoari. Zioenez, "egiazki, Ogasunaren kontrako bi delitu egin dira". Ayusok bestela esan zuen atzo. Horren arabera, gizona zerga ikerketapean baino ez dago, eta berez, "Ogasunak 600 000 euro zor dizkio".