Herri Kirolak

Harri landuekin, Ulia pixka bat hobeto aritu da, Mollarri baino, baina, harri baldarraren lehian, Mollari, Maddi Gesalagak eta Duranak ordezkatuta, argi nagusitu da, 39-29. Hala, Naroa Arrutiren taldea finalean izango da, hilaren 27an, Ibiurren kontra.

Bi harri-jasotzaileak hautatu ditu Naroa Arruti kapitainak harri baldarraren lehiarako, eta, hori 39 aldiz jasota, Mollarrik finalerako txartela eskuratu du. Naroa Arruti bera ere elkarrizketatu du EITBk, finalaurrekoa bukatuta.

Joseba Ostolaza kapitainak Aimar Galarraga eta Paulo Azpiazu hautatu ditu, Etxauriren aldetik, harri baldarraren lehiarako, Albizuriren aurkako finalerdian, eta bi harri-jasotzaileen erantzuna bikaina izan da. Ostolaza bera ere elkarrizketatu du EITBk.

Harri landuekin, Albizuri pixka bat hobeto aritu da, Etxauri baino, baina bi taldeak oso parean iritsi dira harri irregularraren lehiara; azken horretan, Etxauri nabarmen nagusi izan da.

Luis Mari Bengoa kazetariari erretiroa hartzeko momentua iritsi zaio. Herri Kirolen sustatzailea izan da Luis Mari eta "Urrezko aizkolariak" ekitaldian jaso zuen omenaldia. Egindako lanagatik pozik hartu du erabaki hau.

Lur Errekondo kapitain duen taldeak, harri baldarrarekin egindako lehian, Karmele Gisasola kapitain duenak baino bi jasoaldi gehiago egin ditu; hortaz, Ibiur sailkatu da "Harri Herri" saioko hirugarren ekitaldiko finalera.

2025eko "Harri Herri" saioko emakumezkoen lehenengo finalaurrekoan, Ibiurrek Ergobia menderatu du, eta final handirako sailkatu da. Lehia amaituta, Ainitze Zumeta, Sara Jimenez de Aberasturi eta Lur Errekondo kapitaina elkarrizketatu ditugu.

Ainitze Zumeta harri-jasotzailea Euskal Herriko txapelduna izan zen 2024an. Besteak beste, kirola nola bizi duen kontatu du zarauztarrak aste honetako saioan. 

Ainitze Zumeta harri-jasotzailea elkarrizketatuko dute aste honetako "Helmuga" saioan, igande goizean, ETB1en.

''Harri Herri'' harri-jasotzearen gaineko saioa gaur gauean itzuliko da EITBra. 22:20tik aurrera, eitb.eus-en eta ETB1en izango da ikusgai.

Ostegunean aurkeztu dute saioaren hirugarren denboraldia, Usurbilen. Aurten, aurreneko aldiz, emakumezkoen taldeetan entrenatzaileak ere izango dira emakumeak.

Kazetari bizkaitarra Herri Kirolen sustatzailea izan da denbora luzean eta orain erretiroa hartzeko momentua iritsi zaio.

Bizkaitarra herri kirolen bultzatzailea izan da urteetan, eta erretiroa hartuko du laster. Urrezko Aizkolarien finalaren amaieran, omenaldia egin diote.

Iker Vicentek eta Eneko Saralegik irabazi dute Urrezko Aizkolarien binakako txapelketa. Azpeitiko Izarraitz pilotalekuan jokatu den final handian, lehengusu nafarrek beste bi bikoteek baino denbora hobea egin dute, eta 25. edizioko txapela etxera eraman dute.

Azpeitian jokatuko dute, Izarraitz pilotalekuan, eta EITBn izango da ikusgai, zuzenean, 11:45etik. Jaialdian, Urrezko Harri-jasotzaile Txapelketa ere izango da jokoan; asteazkenean aurkeztu dute dena.

eitb.eus-en eta ETB1en izango da ikusgai. Benetako kirol ikuskizuna, laster, EITBn!

Luis Mari Bengoa kazetariak herri kirolak izango ditu hizpide igande honetako "Helmuga" saioan, 11:30etik aurrera, ETB1en.

Etxeberriak irabazi du Basozabalen kontra Donezteben jokatu duen aizkora apustua. Nafarrak gipuzkoarrak baino 5 minutu eta 6 segundo gutxiago behar izan ditu 12 kana-erdiko eta 60 ontzako 6 egurrak mozteko.

Harri Herri txapelketaren edizio berriaren lehen atala martxoaren 31n izango da ikusgai ETB1en eta eitb.eus atarian. Bi finalerdiak grabatu dituzte jada, eta igandean, 19:00etan, ateak irekita grabatuko da final handia Zarauzko Aritzbatalde kiroldegian. 

Larunbatean, martxoak 8, Doneztebeko pilotalekuan, Jokin Urretabizkaia Basozabalek eta Joxean Etxeberriak aizkolapustua jokatuko dute. Etxeberriak nola sentitzen den kontatu digu elkarrizketa honetan.

Hiru denboraldi eta erdi kantxetatik kanpo egon ostean, bigarren mailan larri dagoen Zarautzen jokatuko du, taldeak eskatuta. Etxeko partidetan soilik arituko da.

Xabier Orbegozo, "Arria V", aizkolari gipuzkoarrak erronka berria proposatu du, 45 hazbeteko 10 enbor moztea eta 10 kilometro korrika egitea. 1962an egindako apustua errepikatzea proposatu du errezildarrak, Joxean Etxeberria izan zen negoziatzera agertu zen bakarra.

Finalak Asteasun jokatu zituzten, asteartean. Aizkolari Gazteen Binakakoan, Igoin Pikabea eta Beñat Senosiain nagusitu ziren; harri-jasotzean, binaka, Xabier Aranburu "Guzta" eta Paulo Azpiazu eta Lierni Osa eta Maddi Gesalaga irten ziren garaile.

Iker Vicente, Goiuri Zabaleta, Paulo Azpiazu, Ainitze Zumeta, Aritz Erkiaga, Ion Ibarluzea, Andrea Astudillo, Gorka Aranberri, Nerea Arruti, Jokin Altuna eta Usoa Ostoloza euskal kirolarien mezuak EITB Mediako ikusentzule eta erabiltzaile guztientzat, urte berri ona opatuz.

Erronka martxoaren amaieran gauzatuko litzateke, Azpeitian edo Tolosan, eta Latasak eta Chiquito de Arruizek 1962an egindako apustuaren antzekoa izango litzateke.

San Tomas egunez, Urrezko Kopa jokatu dute. Nerea Arruti, Karmele Gisasola, Malen Barrenetxea, Lucia Orbe eta Nerea Sorondo lehiatu dira bertan. 45 ontzako bost enborrak mozten azkarrena Nerea Sorondo izan da, 14 minutu eta 49 segundoko denbora eginda.

Abadiñoko harri-jasotzaileak bigarren aldiz irabazi du Euskal Herriko Harri Handien Txapelketa, 9.225 kilo jasota. Jokin Eizmendi izan da bigarren, eta Gari Garmendia, hirugarren.

Asteasun Euskal Herriko Harri Handien Txapelketa aurkeztu dute. Igandean, zortzi harri-jasotzaile nor baino nor gehiago arituko dira bertan.

Nerea Arrutik marka ezarri du aizkolaritzan. Euskadiko txapeldunak 108 ontzako enborra bota du Hernanin. Neurri horretako enbor bat ebaki duen aurreneko emakumea da.

Azpiazuk 31 altxaldi eman dizkio koadroari, 30 kopari, 18 kuboari eta 30 bolari. Guztira 12.550 kilo jazo ditu. Xabat Olaizola izan da bigarren, eta Jon Gisasola, "Zelai V.a", hirugarren.

Iker Vicentek Mikel Mindegiaren errekorra berdindu du Nafarroako txapelketa hamargarrenez irabazita. Mindegiak berak jantzi dio txapela Otsagabiko aizkolariari. 31 minutu eta 54 segundo behar izan ditu lanak amaitzeko, iaz baino 3 minutu eta 19 segundo gehiago.