Bilatu

Grebak 2020

1 / 30 Hurrengoa

Grebak bere horretan jarraitzea leporatu diote elkarri palistek eta Innpala enpresak

#-published-#: 2025/04/30 21:54 (UTC+2) Azken eguneratzea: 2025/04/30 21:54 (UTC+2)

Innpalak komunikatu bat argitaratu du, eta bertan ziurtatzen du azken hilabetean kontratua amaitu zaien hiru pilotariak berriro kontratatzea eskaini duela; palistek, ordea, berretsi dute euren lana "duintasunez" egiteko "gutxieneko baldintzak" eskatzen ari direla.

Arriaga Antzokiak Jesus Guridiren ''Mari Eli'' zarzuela aurkeztuko du, BOSekin

#-published-#: 2025/04/30 20:51 (UTC+2) Azken eguneratzea: 2025/04/30 20:51 (UTC+2)

BOSeko musikariek greba bertan behera utzi zuten atzo, eta zuzendaritzak beste erakunde batzuk negoziazioan inplikatzeko konpromisoa hartu du. Honi esker, Jesus Guridiren "Mari Eli" zarzuela entzun da gaur arratsaldean Bilboko Arriaga Antzokian.

BOSek lanuzteak bertan behera utzi ditu, erakundeak negoziazioan inplikatzeko konpromisoa lortu baitu

#-published-#: 2025/04/29 10:46 (UTC+2) Azken eguneratzea: 2025/04/30 10:46 (UTC+2)

Adiskidetze-saioan itxi da akordioa, Bilboko Lan Arloko epaitegian. Epaitegian elkar ikusi aurretik, zuzendaritzak eta langile-batzordeak bilera izan dute LHKn, baina ez dira elkarrengana hurbildu.

Zuzendari eta langileen arteko bilera antzua izan da, eta Bridgestoneko langileek grebari eutsiko diote

#-published-#: 2025/04/24 15:32 (UTC+2) Azken eguneratzea: 2025/04/24 15:32 (UTC+2)

Gaur langileek laugarren greba eguna egin dute. Ekoizpena etenda dago Basauriko Bridgestoneren lantegian eta jarraipena erabatekoa izaten ari da enplegu-erregulazioko espedientearen aurkako greba-deialdietan.

Bertan behera geratu dira Gipuzkoako Avanzako lanuzteak, deialdiaren jakinarazpenean forma akatsa egin baitzen

#-published-#: 2025/04/16 12:50 (UTC+2) Azken eguneratzea: 2025/04/16 12:50 (UTC+2)

Aste Santu betean, apirilaren 16tik 22ra zeuden lanuzteak deituta, baina jakinarazpenean atzerapenak izan dira eta enpresak legez kanpokotzat jo du deialdia. Langileen ordezkariek ohartarazi dute aldarrikapenekin aurrera jarraituko dutela, eta laster deituko dituztela mobilizazio gehiago.

Hiru greba egun gehiago deitu dituzte Basauriko Bridgestone lantegian apirilaren 24, 25 eta 26rako

#-published-#: 2025/04/15 15:09 (UTC+2) Azken eguneratzea: 2025/04/15 15:09 (UTC+2)

Apirilaren 24tik maiatzaren 31ra erregistratu dituzte lanuzteak, baina, oraingoz, lehen hiru egunak baino ez dituzte deitu. Beste mota bateko protestak ere aurreikusi dituzte, gatazka ageri-agerian egon dadila.

Sindikatuen ustez ez da aurrera egin Bridgestoneren etorkizuna bermatzeko eta kaleratzeak saihesteko

#-published-#: 2025/04/15 13:34 (UTC+2) Azken eguneratzea: 2025/04/15 13:34 (UTC+2)

Kezka gero eta handiagoa da Basaurin eta Alonsotegin. Hirugarren eta azken greba egunean, sindikatuen ustez ez da da aurrera egin Bridgestoneren etorkizuna bermatzeko eta 335 kaleratze saihesteko. Sindikatuek gogor salatu dute enpresaren jarrera.

Greba deitu dute Nafarroako Volkswagen lantegian apirilaren 28rako, lan-baldintzek "okerrera" egin dutelako

#-published-#: 2025/04/14 13:02 (UTC+2) Azken eguneratzea: 2025/04/15 13:02 (UTC+2)

ELA, LAB eta CGT sindikatuen hitzetan, lantegiko autoentzako kako edo olagarro berria da horren arrazoi nagusia. "Esan dezakegu NOPLOIko teknikariak harritu egin zirela fase batzuetan hartu behar ditugun postura behartu eta penagarriak direla eta", ohartarazi dute.

Pedrosa: ''Sailak baliabide gehiago jarri ditu mahai gainean, sindikatuek soldata igoera lehenetsi dute''

#-published-#: 2025/04/11 10:01 (UTC+2) Azken eguneratzea: 2025/04/11 10:01 (UTC+2)

Begoña Pedrosa Hezkuntza sailburuak esan du sindikatuei helarazitako azken proposamenean "neurri zehatzak" planteatu dituela. Hala, "onartezina" deritzo greba deialdi berriari.

Bilbao Orkestra Sinfonikoko musikariek beren tresnak isildu dituzte kontzertua abiatu eta 15 minutura

#-published-#: 2025/04/10 21:13 (UTC+2) Azken eguneratzea: 2025/04/10 21:13 (UTC+2)

Bilbao Orkestra Sinfonikoaren zuzendaritzaren ustez, ez dago greba egiteko arrazoirik. Langile-batzordeak, ordea, bajak betetzea eta langileen kopurua handitzea eskatzen du.

Hezkuntzako sindikatuek astebeteko beste greba ziklo bat deitu dute maiatzerako

#-published-#: 2025/04/10 14:04 (UTC+2) Azken eguneratzea: 2025/04/10 14:04 (UTC+2)

Maiatzaren 12tik 16ra deitu dituzte lanuzteak. Langileen ordezkarien aburuz, Hezkuntza Sailak egindako azken proposamenari "eduki, zehaztapen eta bermeak" falta zaizkio eta, salatu dutenez, Jaurlaritzak "ultimatum gisa planteatu du". "Ez dugu sinatuko", ohartarazi dute.

Sei greba egun deitu dituzte Aste Santurako Avanza autobus konpainiako Gipuzkoako zerbitzuetan

#-published-#: 2025/04/08 07:32 (UTC+2) Azken eguneratzea: 2025/04/16 07:32 (UTC+2)

Apirilaren 16tik 22ra izango dira lanuzteak. ELA, LAB eta Aurrera sindikatuek adierazi dute Aste Santurako mobilizazioak deitzearen helburua "zarata gehiago" ateratzea dela, euren aldarriak entzun daitezen.

Hezkuntza Sailarekin gerturatzerik ez, eta mobilizazio gehiago egitea erabaki dute sindikatuek

#-published-#: 2025/04/08 15:14 (UTC+2) Azken eguneratzea: 2025/04/08 15:14 (UTC+2)

Steilas, LAB, ELA eta CCOO sindikatuek prentsaurrekoa deitu dute ostegunerako, eta bertan iragarriko dituzte "mobilizazio-dinamikaren ondorengo urratsak". Haizea Arbide Steilasen ordezkariak aitortu duenez, "ez da baztertzen greba gehiago deitzea".

Manifestazio jendetsua Basaurin, Bridgestone lantegiko 335 kaleratzeen aurka protesta egiteko

#-published-#: 2025/04/08 10:36 (UTC+2) Azken eguneratzea: 2025/04/09 10:36 (UTC+2)

Basauriko Bridgestone lantegiko beharginen % 100ek egin dute bat gaur multinazionalaren zuzendaritzak planteatutako kaleratzeen aurka deitutako hiru greba egunetako lehenengoarekin. Bi greba egun gehiago deitu dituzte apirilaren 11rako eta 15erako.

Sindikatuek ez dute baztertu greba gehiago deitzea; Hezkuntzak dio lanuzteekin ez duela negoziatuko

#-published-#: 2025/04/01 19:23 (UTC+2) Azken eguneratzea: 2025/04/01 19:23 (UTC+2)

Milaka irakasle kalera atera dira beste behin, zortzigarren greba egunean. Euren esanetan, jarraipena % 75ekoa izan da. Bien bitartean, Hezkuntza Sailak %48ra jaitsi du, eta negoziatzeko borondatea berretsi eta "lasaitasuna" eskatu du.

Hezkuntzako mobilizazioak amaitu arte itxarongo du Jaurlaritzak, negoziazioei ''lasaitasunetik'' berrekiteko

#-published-#: 2025/04/01 16:08 (UTC+2) Azken eguneratzea: 2025/04/01 16:08 (UTC+2)

Gobernu bileraren ondorengo agerraldian, Maria Ubarretxena Eusko Jaurlaritzaren eledunak esan du negoziazioak ez daudela etenda. Gasteizko Gobenuak akordiorako duen "borondatea irmoa" dela erantsi du, baina negoziazioek "lasaitasuna" eskatzen dutelako erabaki zuten atzoko bilera bertan behera uztea.

Hezkuntzako sindikatuak: 'Argi dago grebarik egon ezean, ez dagoela negoziatzeko borondaterik'

#-published-#: 2025/04/01 16:06 (UTC+2) Azken eguneratzea: 2025/04/01 16:06 (UTC+2)

Zortzigarren greba egunean, LAB, Steilas, ELA eta CCOO sindikatuek gaur goizean EAEko hiriburuetan manifestatzera deitu dituzte irakasleak, Hezkuntza Sailari lan-baldintzak hobetzeko eskatzeko.

Irakasleek grebari berrekin diote, eta Jaurlaritzak Gasteizen duen egoitzaren aurrean kanpaldia egin dute

#-published-#: 2025/04/01 16:03 (UTC+2) Azken eguneratzea: 2025/04/01 16:03 (UTC+2)

Hezkuntza publikoko irakasleek Lakuako egoitzaren aurrean kanpatuta igaro dute gaua, 'Hitzarmen duina, orain' lelopean. Hitzarmena duela 15 urte iraungita dagoela salatu dute, eta Hezkuntza Sailari negoziatzera esertzeko deia egin diote.

Sindikatuek diote gaurko deituta zegoen bilera teknikoa bertan behera utzi duela Hezkuntzak, grebaren atarian

#-published-#: 2025/03/31 13:50 (UTC+2) Azken eguneratzea: 2025/03/31 13:50 (UTC+2)

Hezkuntza Sailak azaldu du zentro bakoitzaren baliabideak negoziazioen gakoetako bat direla, eta batzar teknikoetan baino, mahai negoziatzailean eztabaidatu behar direla. Bi aldeek astelehenean egin zuten azken bilera, eta luzea izanagatik, akordio gabe bukatu zen.

Hezkuntza Sailak grebekin akordioa eragoztea egotzi die sindikatuei

#-published-#: 2025/03/31 13:48 (UTC+2) Azken eguneratzea: 2025/03/31 13:48 (UTC+2)

Sindikatuek, berriz, salatu dute Hezkuntza Sailak bertan behera utzi duela gaurko batzar teknikoa, eta departamentuko iturrietatik esan dute "negoziazioetako gai garrantzitsuenetako bat" jorratu behar zelako ez dela egin.

Bilboko Jesus Maria eta Jesuitinas eskoletako lan-gatazkak ikasleei ez diezaiela eragin eskatu dute gurasoek

#-published-#: 2025/03/29 09:54 (UTC+1) Azken eguneratzea: 2025/03/30 09:54 (UTC+2)

Bilboko Jesus Maria eta Jesuitinas eskola erlijiosoetako irakasleek greba mugagabea iragarri dute hilaren 18tik. Ikasle falta dela eta, batu egingo dira irailean, eta irakasleek lanpostuak bermatzea nahi dute. Ikasle asko klaserik gabe daude, eta familiek hezkuntza eskubidea bermatzea eskatu dute.

Steilas, asteburuan ere negoziatzeko prest

#-published-#: 2025/03/28 15:36 (UTC+1) Azken eguneratzea: 2025/03/28 15:36 (UTC+1)

"Pasaden asteko egoera errepika ez dadin" eta negoziazioek aurrera egin dezaten eskatu du sindikatuak.

Akordio bat lortzeko aukera gertu egon daitekeela uste du Pedrosak

#-published-#: 2025/03/28 13:10 (UTC+1) Azken eguneratzea: 2025/03/28 13:10 (UTC+1)

Begoña Pedrosa Hezkuntza sailburuaren esanetan, "benetan lehentasunak partekatzen baditugu, astelehenean greba bertan behera uzteko, mahaira itzultzeko eta hitz egiten jarraitzeko aukera izango da".

Greba Hezkuntzan: Sindikatuek % 75ko jarraipena izan dutela diote, Gobernuak % 45ekoa

#-published-#: 2025/03/27 18:49 (UTC+1) Azken eguneratzea: 2025/03/27 18:49 (UTC+1)

Steilas, LAB, ELA eta CCOO sindikatuek greban jarraitzeko "indarra" agertu dute. Nabarmendu dute Eusko Jaurlaritza "grebek" mugiarazten dutela eta "benetako negoziazioa" eskatu diote Hezkuntza Sailari.

Manifestazio jendetsua Donostian, Hezkuntzako hirugarren greba egunean

#-published-#: 2025/03/27 15:49 (UTC+1) Azken eguneratzea: 2025/03/27 15:49 (UTC+1)

Gaur Donostia aukeratu dute sindikatuek manifestazio nagusia egiteko, eta ehunka irakaslek hartu dituzte kaleak. Hezkuntza Sailak bihar eta astelehena artean mugimendurik egingo ez balu, datorren astean bi greba egun gehiago egingo dituzte.

Hezkuntzako sindikatuen arabera, grebak % 75eko jarraipena izan du, eta negoziatzea eskatu diote Jaurlaritzari

#-published-#: 2025/03/26 19:23 (UTC+1) Azken eguneratzea: 2025/03/26 19:23 (UTC+1)

Hezkuntza Sailaren arabera, lanuztearen jarraipena % 45ekoa izan da. Elkarrizketarako prestasuna agertu du Eusko Jaurlaritzak, baina eztabaida "benetan garrantzitsua den" horretara bideratzea eskatu du. Oraingoz ez da aurreikusi Hezkuntza Sailaren eta sindikatuen arteko bilerarik.

Irakasleen % 75ek egin dute greba, Hezkuntzako sindikatuen arabera; % 46k, Jaurlaritzaren esanetan

#-published-#: 2025/03/25 14:51 (UTC+1) Azken eguneratzea: 2025/03/25 14:51 (UTC+1)

Sailari "benetako negoziazioa" eskatu diote sindikatuek, bart akordioa lortzeko bilera luzeak porrot egin ostean. Hezkuntza Sailak nabarmendu duenez, bestalde, "elkarrizketarako prestasuna bere horretan" du, baina eztabaida "benetan garrantzitsua den" horretara bideratzea eskatu du.

Zeintzuk dira Hezkuntzako gatazkan Jaurlaritzaren eta sindikatuen arteko desadostasunak?

#-published-#: 2025/03/25 11:31 (UTC+1) Azken eguneratzea: 2025/03/25 11:31 (UTC+1)

Hezkuntza Sailak akordiorako proposamenaren dokumentua kaleratu zuen atzo, bileraren aurretik. Negoziazio luzeen ostean, sindikatuek ez dute onartu, baina ez ez dute puntuz puntu erantzuteko astirik izan. Diotenez, proposatutakoa euren aldarrikapenetatik urrun dago.

Irakaskuntza publikoko sukalde eta garbiketako langileen greba bertan behera utzi dute

#-published-#: 2025/03/21 15:28 (UTC+1) Azken eguneratzea: 2025/03/22 15:28 (UTC+1)

Begoña Pedrosa Hezkuntza sailburuaren ustez, akordioa "oso albiste ona da", eta irakasleen sindikatuekin negoziatzen jarraitzen dutela adierazi du, datorren astetik aurrera bost greba-egunei eutsiko dien bakarra baita.

Zarauzko KSB Itur enpresako batzordeak bost eguneko greba deitu du lan-baldintzetan hobekuntzak eskatzeko

#-published-#: 2025/03/20 20:32 (UTC+1) Azken eguneratzea: 2025/03/20 20:32 (UTC+1)

200 langile ditu lantegiak eta gehiengo zabalak babestu ditu mobilizazioak, "modu masiboan" bozkatu baitute horien alde, batzar batean. Ponpak eta balbulak fabrikatzen dituen lantegia gelditu egingo da martxoaren 24tik 28ra.

Greba mugagabea deitu dute Laudioko Aiala Vidrio enpresan

#-published-#: 2025/03/19 11:27 (UTC+1) Azken eguneratzea: 2025/03/20 11:27 (UTC+1)

ELA, LAB eta CCOO sindikatuek salatu dute enpresak barne garraioa kanpoko enpresa baten bidez azpikontratatzea erabaki duela, horretarako betse enpresari 13 langile utzita, legez kanpo.

Sindikatuek greba bateratua erregistratu dute martxoaren 25ean, 26an eta 27an eta apirilaren 1ean eta 2an

#-published-#: 2025/03/18 15:36 (UTC+1) Azken eguneratzea: 2025/03/19 15:36 (UTC+1)

ELA, LAB, STEILAS eta CCOO sindikatuek Hezkuntza Sailari eskatu diote hezkuntza publikoko irakasleen, sukaldaritzaren eta garbiketako beharginen lan-eskubideak hobetzeko.

Greba deitu dute apirilaren 9an Nafarroako Administrazio publikoan, "benetako negoziazioa" eskatzeko

#-published-#: 2025/03/17 13:16 (UTC+1) Azken eguneratzea: 2025/03/18 13:16 (UTC+1)

LAB, AFAPNA, CCOO, ELA eta UGT sindikatuek lanuztea deitu dute Nafarroako Gobernuari behargin publikoen lan-baldintzak hobetzea eskatzeko. Argudiatu dute Foru Gobernua "blokeoa egiten eta utzikeriaz jarduten" ari dela negoziazioari heltzeko orduan.

Greba bertan behera utzi dute Renfen eta Adifen, hasteko ordu gutxiren faltan akordioa lortuta

#-published-#: 2025/03/16 22:01 (UTC+1) Azken eguneratzea: 2025/03/16 22:01 (UTC+1)

Sindikatuek bertan behera utzi dute Renfen eta Adifen aurreikusitako greba gauerdian hasi baino lau ordu lehenago, Garraio eta Mugikortasun Jasangarrirako Ministerioarekin akordio bat lortu ostean, negoziazioko iturriek igande honetan jakinarazi dutenez.

Osasun Departamentuaren arabera, Nafarroako medikuen grebaren jarraipena % 2koa izan da goizeko txandan

#-published-#: 2025/03/10 11:25 (UTC+1) Azken eguneratzea: 2025/03/11 11:25 (UTC+1)

Nafarroako Medikuen Sindikatuak (SMN) ez du grebari buruzko "datu-gerran" sartu nahi. Aitzitik, arrazoiak nabarmendu dituzte berriz ere: "gehiegizko lankarga" eta "lan baldintzak hobetzeko beharra".

Nafarroako Medikuen Sindikatua: ''Mediku batzuek astean 60, 70 eta 80 ordu ere egiten dituzte''

#-published-#: 2025/03/10 16:16 (UTC+1) Azken eguneratzea: 2025/03/10 16:16 (UTC+1)

Nafarroan, medikuak grebara itzuli dira astelehen honetan, hobekuntzak eskatzeko eta lan-gainkarga salatzeko. Osasun Departamentuaren datuen arabera, jarraipena % 2koa izan da; izan ere, sindikatu bakar batek, Nafarroako Medikuen Sindikatuak, deitutako lanuztea da.

Gutxienez 12 hegaldi bertan behera geratu dira Loiuko aireportuan, Alemaniako grebaren ondorioz

#-published-#: 2025/03/10 16:14 (UTC+1) Azken eguneratzea: 2025/03/10 16:14 (UTC+1)

Alemaniako 13 aireportutan deitutako grebak, ordea, ez du eraginik izan Euskal Herriko gainerako aireportuetan (Biarritz, Donostia, Gasteiz eta Iruñea).

Alemaniako 13 aireportutan deitutako grebak 3.400 hegaldi utzi ditu bertan behera

#-published-#: 2025/03/10 12:59 (UTC+1) Azken eguneratzea: 2025/03/10 12:59 (UTC+1)

Lanuzteak aireportu hauetan izango du eragina: Munich, Stuttgart, Kolonia/Bonn, Düsseldorf, Dortmund, Hannover, Bremen, Hanburgo, Berlin-Brandenburgo, Leipzig-Halle eta Frankfurt. Imanol Pradales lehendakariak geldialdia egin behar zuen Alemanian, baina azkenean Zurichetik abiatu da AEBra.

Kaosa Alemaniako aireportuetan, 3.400 hegaldi bertan behera utzi dituen grebaren ondorioz

#-published-#: 2025/03/10 15:42 (UTC+1) Azken eguneratzea: 2025/03/10 15:42 (UTC+1)

Lanuzteak aireportu hauetan izango du eragina: Munich, Stuttgart, Kolonia/Bonn, Düsseldorf, Dortmund, Hannover, Bremen, Hanburgo, Berlin-Brandenburgo, Leipzig-Halle eta Frankfurt.

Sindikatuek "egiazko" negoziazioa eskatu diote Hezkuntza Sailari eta ez dute baztertzen greba gehiago egitea

#-published-#: 2025/02/27 14:05 (UTC+1) Azken eguneratzea: 2025/02/27 14:05 (UTC+1)

EAEko hezkuntza publikoko irakasleen grebak % 75eko jarraipena izan du Steilas, LAB, ELA eta CCOO sindikatuen arabera. Eusko Jaurlaritzak, berriz, % 48ra apaldu du jarraipenaren zenbatekoa.

1 / 30 Hurrengoa

orain albiste