#-kontseilua-#

Euskararen lurraldera iristen diren herritar etorri-berriei harrera linguistikoa ondo egitea ezinbestekoa da, hizkuntza biziberritzeko. Gaiaren garrantzia azpimarratu dute Laura Penagos aktore kolonbiarrak eta Idurre Eskisabel Euskalgintzaren Kontseiluaren idazkari nagusiak.

Besteak beste, Nafarroako Gobernuak onartu berri duen merezimenduen dekretu berria eta euskararen kontrako oldarraldi judiziala izan ditu hizpide Idurre Eskisabel Euskalgintzaren Kontseiluko idazkari nagusiak, goizean Euskadi Irratian egin dioten elkarrizketan.

Kontseiluak, ELAk eta LABek deituta, protesta bilkura egin dute gaur, Donostiako Gipuzkoa plazan, Kabia erakundeak ezarritako hizkuntza eskakizunen kontrako epaia salatzeko. Txomin Lasa ELAko ordezkariak esan du egoitzetako erabiltzaileen eta langileen eskubideak urratzen ari direla.

Mañeruibar (Mañeru, Zirauki, Artazu eta Girgillao) eremu ez-euskaldunean egon arren, sekulako lana egiten ari dira familiak euren seme-alabak euskalduntzeko, euskara errotzeko eta sendotzeko. 2023ko otsailean eremu mistora igarotzea eskatu zuten, baina Nafarroako Parlamentuak ezezkoa eman zien.

Euskalgintzaren Kontseiluak eta ELA eta LAB sindikatuek deituta, elkarretaratza egin dute Bizkaiko Aldundiaren egoitzaren atarian, Bilbon. Euskararen kontrako oldarraldi judiziala salatzearekin batera, txalotu egin dute epaiei helegitea jartzeko Aldundiaren erabakia.

  Protesta jendetsua egin dute Donostian, udaltzain posturako euskara eskakizuna baliogabetu duen azken epaiaren aurka. Kontseiluak eta Bagera erakundeak deituta, normalizazioaren aurkako oldarraldia salatu dute.

Idurre Eskisabelek eskaera gutun bat helarazi die legebiltzarkide guztiei, 20.000tik gora herritarren babesarekin, EAEko Hezkuntza Lege berriak euskarazko ikasteredua orokortu dezala eta etorkizuneko belaunaldiak euskalduntzeko tresna izan dadila eskatzeko.

70.000 lagunek bat egin dute Bilbon "euskararekin eta euskaraz", epaitegietatik hizkuntza politikak egin nahi direla salatzeko. Akordio soziopolitiko berria eskatu dute, "erasoen aurrean hesia" ez ezik, euskaldunen etorkizunerako "zubia" ere izango dena.

Euskararen normalizazioaren alde eta azken epaien aurka Kontseiluak deitutako manifestazioa 17:00ak puntuan hasi da Bilboko Euskalduna Jauregiaren paretik.

Euskal Herriko udalerri askotatik autobusez etorritako jende andanagatik pozik agertu da Kontseiluko idazkari nagusia, euskararen defentsaren alde Bilbon deitutako manifestazioa abiatu aurretik.

Kontseiluko idazkari nagusia ETB1-eko "Egun on Euskadi" saioan izan da biharko manifestazioaren inguruan hitz egiteko. Herritarrei parte hartzeko deia egin die Eskisabelek.

Kontseiluak datorren larunbatean Bilbon egingo den manifestazioan parte hartzeko deia egin die herritarrei, "auzitegien esku-sartzea" eta euskara biziberritu nahi duten "neurrien aurkako epaiak" salatzeko.

Agerraldia egin duten taldeek azpimarratu dute hizkuntza ereduetan oinarritutako sistemak ez duela bermatzen euskararen normalizazioa. Hezkuntza legea hurrengo belaunaldiek euskalduntzeko giltza dela azpimarratu dute.

Idurre Eskisabel Euskalgintzaren Kontseiluko idazkari nagusiak adierazi duenez, "olatu erreakzionario, atzerakoi eta euskarofoboa da, euskararen normalizazio prozesua oztopatzeko eta egindako bidean atzera egiteko".

Europako lurralde-hizkuntzak sustatzeko eta babesteko lan egiten duen nazioarteko erakundea da ELEN. Gaur, agerraldia egin dute hainbat elkartetako ordezkariek Bruselan, tartean, Idurre Eskisabel Kontseiluko idazkari nagusiak. Europan ofizialasuna lortzea "urrats handia" litzakeela esan du.

"Maiatzaren 10eko adierazpena" agiria plazaratu du Bilbon Euskalgintzaren Kontseiluak, agerraldi jendetsu batean. "Mobilizazio soziala" eskatu du, euskararen aurkako "olatu erreakzionario larria" salatzeko. Hala, azaroaren 4rako manifestazioa deitu du Bilbon.