Euskadiko Alderdi Popularra

Alderdi popularrarentzat Jaurlaritzako bazkideen arteko desadostasun hauek itxurakeria besterik ez dira. Ekonomiak dituen arazo estrukturalei konponbidea  emateko gai ez direla adierazi du Garridok.

Imanol Pradales lehendakariak alderdiekin egindako bilera-sorta izan dute mintzagai gaur, besteak beste, Eusko Jaurlaritzaren asteroko Gobernu Bileran. Maria Ubarretxena eledunak esan du "positiboa" izan zela erronda eta "adostasun handia" dagoela Industria Defendatzeko Taldearen "bide-orrian".

Trumpek ezarritako muga-zergen ondorioz gehien kaltetutako EAEko industriei batez ere laguntza ematea proposatu dio Javier de Andres Euskadiko PPko presidenteak lehendakariari, hala nola, siderurgia, petrolio eta nekazal elikagai industriei.

Imanol Pradales lehendakariaren ustez, "albiste ona" da PPk Diputatuen Kongresuan Kontzertu Ekonomikoaren "blindatzea" babestu izana. Horregatik, "hemen ere Euskadiri laguntzeko" deia egin die Euskadiko PPko kideei.

Eneko Andueza PSE-EEren idazkari nagusiak Euskadiko PPrekin izandako bileraren ostean aitortu duenez, bi alderdiak "mundu batek" banatzen ditu, popularrek "Ayusoren eredua" Euskadira ekartzeko hartutako erabakiaren ondorioz.

Euskadiko Alderdi Popularraren presidenteak esan du arrazoi askorengatik euskal gizartean ezkerrak indar handia hartu duela azken hamarkadetan, eta ez dagoela beharko litzatekeen orekarik eta alternantziarik ezkerraren eta eskuinaren artean.

EAJk eta PSE-EEk Podemosekin adostutako erreforma fiskala euskal enpresen aldekoa dela esan du Imanol Pradales lehendakariak, eta PPri kritika egin dio, "zoritxarrez Madrilera eta Voxera begira daudelako".

Javier de Andres Euskadiko PPren presidentearen ustez, bidaiderik gabeko adingabe migratzaileek bizitza "garatu" dezakete euren sorterrietan, eta, beraz, "aberriratzearen" alde agertu da.

Egoera ekonomiko ezegonkorraren aurrean enpresariek dituzten erronka eta zalantzen gainean hausnarketa egin dute. Bileraren ostean, Alderdi Popularrak adierazi du PP eta Confebask bat datozela, bai diagnostikoan, baita erreforma fiskalaren aurkako jarreran ere.

PPren ustez, ezkerreko alderdien ezkontide da EAJ, Elkarrekin Podemosekin fiskalitatearen inguruan hitzartutako akordioaren ostean. 

Iñaki Oyarzabal Alderdi Popularrak Araban duen bozeramaileak salatu du Anduezak eurekin negoziatzeari muzin egin ziotenik "hartu-emanik ez" dutela izan jeltzaleekin. "EAJk azaldu beharko du zergatik", erantsi du.

ETAk hil zituenetik 25 urtera, haien senide, lagun eta erakunde eta alderdi politikoetako ordezkariek lore-eskaintza egin diete Gasteizen. Rocio Vitero eta Pello Otxandiano (EH Bildu) ere han ziren, baina loreak jartzeko ilaran zain zeudenean, handik joateko keinuak egin dizkie Diezen amak.

Francisco de Jorge Auzitegi Nazionaleko epailearen aurrean deklaratu du lekuko gisa, ETAko bost buruzagi ohi hilketa terroristagatik auzipetu dituzten auzian, zinegotziaren aurkako atentatua egiteko agindua eman omen zuelako.

Javier de Andres Euskadiko PPren presidenteak uste du, enpresen itxieeren eta deskolalizazioaren aurrean, Jaurlaritza "defentsa egoeran" dagoela. "Azterketa batean 5a lortzeko jarrera da hori, eta halakoetan, badakigu 5a barik, 4 bat ateratzen dela".

Eusko Jaurlaritzaren inkestaren arabera, EAJk (28) eta PPk (8) ordezkari bana irabaziko lukete, PSE-EEk behera egingo luke legebiltzarkide bat galduta, eta Sumar Eusko Legebiltzarretik aterako litzateke. EH Bilduk (27) eta Voxek (1) eutsi egingo liekete egungo ordezkari kopuruei.

Gregorio Ordoñez hiltzea planifikatu zutelakoan ETAko bost buruzagi ohi auzipetzeko Auzitegi Nazionalak hartutako erabakia eskertu du gaur, Donostian, Ordoñezen alargunak.

"Ez dago inolako arrazoirik jauregi hori EAJri emateko, inoiz ez zelako EAJrena izan. Eusko Jaurlaritzaren diruarekin ordaindu zen", adierazi du Javier de Andresek.

Duela 25 urte euskal gizartea gogor astindu zuten ETAren hainbat hilketak: Fernando Buesa, Juan Mari Jauregi, Joxe Mari Korta, Ernes Lluch...2000. urtean ETAren 66 atentatuetan izan ziren hildako gutxi batzuen izenak baino ez dira.

Gregorio Ordoñezen hilketaren 30. urteurrenean, Donostiako zinegotzia izan zenaren oroimenean, urtarrilaren 31n eta otsailaren 1ean Tabakaleran egingo diren jardunaldiak aurkeztu ditu Alderdi Popularrak.

1995eko urtarrilaren 23an, ETAk Gregorio Ordoñez PPren Donostiako alkategaia hil zuen, tiroz, Donostiako Alde Zaharreko La Cepa tabernan bazkaltzen ari zela. 30 urte geroago, Ana Iribar alargunarekin eta Consuelo Ordoñez arrebarekin izan gara.

Javier de Andres Euskadiko PPren presidenteak adierazi duenez, EAJren eta PSOEren arteko "konpromiso horrek Alderdi Sozialista beti babestea dakar, Sanchezen Gobernuak ondo nahiz gaizki jokatuta".

Joseba Diez Antxustegi EAJren Legebiltzarreko bozeramaileak adierazi duenez, alderdiak ez ditu kritikak eta zalantzak ulertzen izendapena legezkoa delako eta Jaurlaritzak ez duelako izan, ezta izango ere Gasteizko Vithas-San Jose klinikarekin inolako harreman komertzialik.

Javier de Andresek uste du Pradales lehendakariak kontraesanak dituela "antieuropeismoa" kritikatzen duenean, EAJk Georgia Meloni Italiako lehen ministroaren eta Viktor Orban Hungariako presidentearen hautagaiei "babesa" eman ostean.

Horixe adierazi du gaur Carmen Fuñez PPren Antolakuntza idazkariordeak Bilbon, eta "moralitatearen aurkako paradigma" izatea eta auzi judizialen mende egotea egotzi dio Espainiako Gobernuari.

Javier de Andresen esanetan, Estatutua onartu zenetik, Euskadiren pisu ekonomikoa eta demografikoa txikiagoa da, Eusko Jaurlaritza autogobernua gaizki kudeatzen ari delako.

Iñaki Oyarzabal Arabako PPren presidenteak adierazi duenez, EAJren "borondate bakarra botereari eustea da", eta ohartarazi du alderdi jeltzaleak "EH Bilduren kopia izan nahi badu, bere boto-emaileen aurrean azaldu beharko dutela".

Javier de Andres EAEko PPko presidenteak Espainiako Konstituzioaren balioa azpimarratu du, "errealitate historikoa bere egin" eta "elkarbizitzarako gutxieneko komun bat" eskaintzen duelako. "Batasun eta kohesio elementu bat da, eta euskaldunok bat egiten dugu gainerako espainiarrekin", esan du.

Imanol Pradales lehendakariaren agintaldiaren lehen 160 egunak baloratu ditu Javier de Andres Euskadiko PPren presidenteak. Horren hitzetan, jeltzaleak "etengabeko gainbeheran" dabiltza, eta "horrekin pozik daude, gainera".