Bergara

"Haur bat uztea delitu larria da eta 18 hilabetetik hiru urtera arteko espetxe zigorra jaso dezake. Adingabeko hori arriskuan jarri dela ikusten bada, zigorra lau urteko izan daiteke", gaineratu du Aslak.

Eli Dominguez Ndank Ndank elkarteko koordinatzaileak dioenez, egunero oharkabean pasatzen dira hainbat mikro-arrazakeria. Horien inguruan kontzientzia hartzeko eta hausnarketa sorrarazteko asmoz, hainbat bideo atera dituzte.

AP-1 autobidea itxita egongo da ostiral gauean Bergara hegoaldeko lotunearen eta Maltzagako lotunearen artean, obretan erabili den bypassa kentzeko. Kontrako noranzkoko tunela berritzeko lanak irailean hasiko dituzte.

Organoak ezinbesteko instrumentuak dira gure herri eta hirietako elizetan. Batzuk oso zaharkituta daude, baina diru asko behar da horiek berritzeko, eta eliza askok ezin diote gastu horri aurre egin. Bergaran egunotan ari dira duela bi urte zaharberritzen hasi ziren organoa berriro muntatzen. 

Egunero egiten dio bisita Josuk 90 urteko amama Begoñari. Harreman estua dute biek. Josuk elizara laguntzen dio, eta Begoña dagoeneko ohitu da bilobaren orrazkera punki-ra eta ia gorputz osoa estaltzen dizkioten tatuajetara.

Elorregiko elizaren atarian topatu du Pagadik Karlos Ostolaza apaiza. Ruandan, "capital Kigalin", 11 urte egin zituen misiolari Karlosek, eta bertako hizkuntzan agurtu du Mikel. Zumaiarra sortzez, 34 urte daramatza Bergaran apaiz lanetan.

200 bat autobus igarotzen dira egunero Elorregi auzotik. Duela lau urte Jon Mujikak autobus-kafetegia sortzeko ideia izan zuen, eta harrera bikaina izan du. Are gehiago, auzoan sakabanatuta dauden baserrietako bizilagunek elkar ezagutu dute Sanprubusari esker eta koadrila osatu dute.

Arrasate, Oñati eta Bergara artean dago Elorregi auzoa, eta bertan topa dezakegu Sanprubusa. Jon Mugica jabeak azaldu digunez, bi urte behar izan zituzten food truck erraldoi hau martxan jartzeko. Arrakasta handia du, autobus geltokia baitago han, baita Debagoiena zeharkatzen duen bidegorria ere.

Urtero legez, Seguran jokatu da Euskal Herriko Dantza Txapelketa. Aitor Ruiz de Egino artista hernaniarraren garaikur berezia jaso dute bergararrek, bost urtean hiru aldiz lehen saria irabazteagatik ematen dena; izan ere, 2019an eta 2022an ere irabazi zuten txapela.

Julen Murgiondorekin batera iaz Seguran garaile izan zenak "beste txapelketa bat bezala" hartu nahi du larunbatekoa, baina aitortzen du bezperako orduetan urduritasuna izaten dela nagusi.

Carmen Etxeberriak barazkiak ekoizten ditu Bergarako Etxague Azpikoa baserrian eta gero azokan saldu. Horrez gain, erlauntzak ditu eta erleekin nola moldatzen den azaldu digu.

Giza katea egin dute gaur Kontxako hondartzan, Zubietako erraustegia gaitzesteko, baita Bergaran eta Zumarragan instalazio berriak jartzeko proiektuak ere. Errausketaren Aurkako Mugimenduko kidea da Juan Miguel Galatras. EITB Mediari adierazi dionez, "Donostia % 41 bakarrik ari da birziklatzen".

Zenbait herritan irudi ikusgarriak utzi dituzte euriteek, Bermeon adibidez. Eguraldia egonkortu egingo da bihar, eta larunbatera arte horrela jarraituko du.

Bergarako Etxague Azpikoa baserriko Carmen Etxeberriarekin solasean aritu gara "JA Sukalerrian" saioan gaur. Tipulina eta tipula nola lantzen dituen azaldu digu, dituzten onurak deskribatzeaz gain. Bestelako barazkiak eta