Baztan

Goizaldeko 04:00etan eman dute sutearen abisua, eta hainbat foku piztuta aurkitu dituzte suhiltzaileek. Inguruko borda batean lotan zeuden bi lagun ere atera dituzte erreskate taldeek.

'Lurraren defentsan, kriminalizaziorik ez. Aroztegia gelditu' lelopean egin dute manifestazioa Nafarroako auzitegi aurrean, bertan epaituko baitituzte maiatzetik aurrera orain bi urte Aroztegiaren makroproiektua geldiarazteko kanpaldia antolatu zuten zazpi gazteak. 

Nafarroan, Baztan ibarrak, urtetik urtera gero eta bisitari gehiago erakartzen ditu. Turistifikazio horren ondorioz, etxeak nabarmen garestiago daude. Hori dela eta, hotel eta apartamentu turistikoak irekitzeko baldintzak zorroztu egin ditu Udalak.

Blanca ezagutu du Zuhaitz Gurrutxagak Oronoz-Mugairin Herri Txikira itzuli den atalean. Bere Lacoste bilduma erakutsi dio; kolore guztietako poloak ditu. Bestalde, Julio Iglesiasi abestu ziola eta hunkitu egin zuela esan digu. Gurutze eta Paolo aurkeztu dizkigu, eta dantzan aritu dira.

Ogia erostetik etxera bueltan aurkitu du Mirenek Rosa Mari. Ur gutxi edaten duela aitortu dio Rosa Marik Mireni, nahiago duela ardoa. Babarrunak eta gisatua jan dituzte, biak ardo pittin batekin prestatuta. Erroskillei, aldiz, ez die ardorik botatzen, anisa baizik! Musika entzutea gustatzen zaio.

Fermin da Oronoz-Mugairiko estankoko ugazaba, eta bertako lanen berri eman dio Mikel Pagadiri. Dena den, estankoan ez dagoenean etxean egoten da bere gauzak egiten, tartean heavy metal musika entzuten edo arrautzak jaten… Baten batek estankoan txirrina joz gero bertara joaten da Fermin.

Mikel Pagadik "Herri Txiki"n bisitatzen dituzten herrien inguruko informazio orokorra ematen du saioaren hasieran. Zuhaitz Gurrutxagak uste zuen buruz ikasten zituela datuok, baina Pagadiren sekretua zein den ikusi du saioaren 10. urteurrenean. Irakurri egiten du!

Azpilicuetagaraycosaroyarenberecolarrea izena eman diote komunikabide askok Baztanen kokatuta dagoen Azpilkueta udalerriari, baina ez omen da benetako izena.

"Las que no duermen. Nash" filmak ez du benetako krimen bat kontatzen, hainbat krimenetan oinarritzen da, batez ere Josefa Sagardia Goñiren kasuan. Josefa 1936ko abuztuan desagertu zen, sei seme-alabekin batera, eta haren gorpuzkiak Legarreako leizean aurkitu zituzten 2016an.

Lehen saria irabazi berritan, Julen Arburua artzaina pozik mintzatu da. Otsailaren 22an egindako gazta natural batekin irabazi du.

Beste zerbitzu batzuetan ere arazoak dituzte. Elizondoko osasun-zentroan, adibidez, medikurik gabe egon dira uda osoan.

Horrelaxe daude ibaiak gaur, Nafarroan. Euriteen ondorioz, Baztan ibaiaren ur emariak dezente gora egin du Elizondon, eta Arga eta Ultzama ibaiak ere nabarmen hazita doaz azken orduotako ekaitzen eraginez.

Baztandarren Biltzarra egin dute, urtero lez, Elizondon. Senide-harremanak sendotzeko festa hau ibarreko jairik adierazgarriena da, eta "xarma berezia" du, baztandarren esanetan.

Lozy's pharmaceuticals enpresako langileek greba mugagabea hasiko dute astelehenean, enpresak hitzarmen propiorik negoziatu nahi ez duela salatzeko; izan ere, Estatu mailako hitzarmena aplikatzen diete. Enpresak gozoki sendagarriak egiten ditu, eta 78 langile ditu une honetan.

Baztan aldean, Zigan, izan da "SOS Kantak Arriskuan" saioa, eta "Hiru erregeekin" kanta berreskuratu dute. Lide Hernandok bertsio berria abestu du eta Iker Laurobarekin batera eskaini digu.

02:00ak inguruan gertatu da istripua, N-121-A errepidean, Baztanen, Almandozko tuneletatik gertu. Suhiltzaileek erreskatatu behar izan dituzte bi gidariak, eta Nafarroako Unibertsitate Ospitalera eraman dituzte, anbulantziaz.

33 urtez Doneztebeko ikastetxean lanean egon ondoren, pentsa baino lehenago erretiroa hartu zuen Tere Arretxeak. 60 urterekin erretiratzeko aukera eman zioten eta, buelta asko eman ondoren, jubilatzea erabaki zuen. Dioenez, osasunez ondo egonez gero loteria bat da 60 urterekin erretiroa hartzea.

Gaur aurkeztu dituzte txapelketa eta parte hartuko duten 24 bertsolariak. Saioa Alkaiza txapelari eusten saiatuko da 2021ekoa jantzi ostean.

Lekarozko Kortaria-Infernuko Gasnak irabazi du Nafarroako Ardi Latxaren Esne Gordinarekin Egindako 41. gazta lehiaketa igande honetan. Iaz ere gaztandegi berak eskuratu zuen Uharte Arakilen ospatzen den lehiaketako garaikurra. Sari asko irabazken ari dira azken urteotan.