Arrasate

Aitziberren sukaldeko atea zeharkatu eta Ezkurrako ileapaindegian sartu da Miren! Ohiko zerbitzuez gain, VIP bezeroentzako eskaintza edo pribilejio bereziak ditu Aitziberren ileapaindegiak. Sukaldea bertan egonda kafea, pattarra, gozoak... ezin hobeto hartzen ditu Ezkurrako bezeroak.

Mikel Pagadik Jaime ezagutu du Ezkurran. Makilak bildu eta landu egiten ditu. Egindako piezak ez ditu saltzen, "ardo-botila edo bixiguarengatik" trukatu ordea, bai.

Ezkurran dagoen jatetxe bakarrean sartu da Miren. Bertan, Jose Luis jabea eta sukaldaria aurkitu du eguneko menuaren itzulpena egiten. Ezkurrak motorzale eta mendizale askoren bisita jasotzen du; batez ere frantsesena, alemaniarrena eta holandarrena.

Miren Nogales eta Mikel Pagadi Ezkurra herria ezagutuko dute igandean, bertako herritarrekin izango dira, eta hamaika kontu ezagutuko dute. 22:00etatik aurrera, ETB1en eta eitb.eus atarian.

Beroketak egiten topatu du Pagadi Oihan. Pilotaria da bera, eta etxearen aurreko zelaia erabiltzen du entrenatzeko. Frontoiaren faltan, etxeko paretan aritzen da pilotan, txikitatik.

Goizeko ihintza zapaltzen topatu du Mirenek Inazio, belar artean, ona omen delako katarrorik ez harrapatzeko. Dioenez, 15 urte zituenetik ibiltzen da sandaliekin, eta ez udan bakarrik, urte osoan baizik.

Auzoan gora, baserrian bertan muntatu zuen Enrique Pagadizabalek bere auto-tailerra. Gogoan duenez, 40 urtean lanik ez zaio faltatu eta, tailerrik irisgarriena ez izan arren, inongo kartelik jarri gabe jendea ederki heltzen zela kontatu dio Pagadiri.

Igande honetan "Herri Txiki" saioko Mikel Pagadi eta Miren Nogales Ergoienera joango dira bertan bizilagunak ezagutzera.

Ariako bizilagun Juan Retegi 24. belaunaldia da bere etxean. Kanpoan horma bat egin du eta, hori aprobetxatuta, labea sortu eta bertan egin dute hamaiketakoa, Pagadiren gozamenerako.

Aribek aldapa handiak ditu, eta euria edo izotza denean arriskutsua izan daitekeela kontatu dio Lourdesek Mireni; hala, udalerritik seguru ibiltzeko sekretuak kontatu dizkio. Zein ote?

34 biztante besterik ez ditu Aribek, Nafarroako ekialdean kokatuta dagoen herriak. "Herri Txiki, Infernu Handiko" errekorra dela dio Pagadik. Nola moldatuko ote dira bera eta Miren Nogales hain herri txikian?

Segalari bat aurkituko du Pagadik Osinagan: Kontxi, "Perrapako rubia" izenez ezaguna. 1980Ko hamarkadako talde ezagunen  erritmoan aritzen da segan. Errekuperatzeko kafe azukrearekin edan dute, edo hobe esanda, azukrea kafearekin.

Bautista eta Maria del Pilar ezagutu ditu Mirenek Osinaga auzoan. Haien arteko amodio-historia eta Maria Cristina hoteleko 222 gela berezian pasa zuteneko gaua kontatu diote.

Mikel Pagadik Joxe ezagutu du Osinagan. Bi zaindari ditu Joxek baserri atarian: ermita zahar batetik erretiratutako bi metroko santua eta malinois arrazako eraso txakurra. Pagadik txakurrararen erasoari aurre egin dio...

Sagardotegiz josita omen dago Hernaniko osinaga auzoa eta han ibiliko dira gure deabruak, bertako ohiturak eta jendearen bizimodua ezagutzeko asmoz. Ez galdu, igande honetan, 22:00etatik aurrera, ETB1en eta eitb.eus atarian.

Mirenek Pello artzaina ezagutu du, ardien bila bizikletaz joaten ari zela. Bera laguntzera joan da, baina segituan atzean utzi du… Txirrindulak, baina, trikimailu bat du; asmatuko ote du Mirenek zein den hori?

Larresoroko Txanparro auzokidea ezagutu nahian, bete-betean aurkitu du Pagadik udalerriaren izena, aurrez aurre.

Beñat Mendibil 'Potxo' auzokideak "benetako kaperara" eraman du Pagadi, tabernara, bertan edozeinek edan dezakeelako ardo zuria, "ez soilik apaiza". Hala, nola ez, bi beltz eskatu dituzte, baina… Pagadik espero duena izango ote da?

Nonbait, Larresoro Lapurdiko udalerrian, belarra moztu behar zutela ulertu du Mikel Pagadik eta susto itzela eman dio Miren Nogalesi topo egin dutenean. Ez galdu, igande honetan, 22:00etatik aurrera, ETB1en eta eitb.eus atarian.

Artzentalesen Gorka Belasko marrazkilaria eta kronista grafikoa ezagutu du Mirenek. Egunerokoa marrazten du, eta Mireni erronka bat bota dio. Adi!

Artzentaleseko Ruthek kontrolatutako "Diogenes sindromea" duela esaten du eta gauzak nola berrerabiltzen dituen erakutsi dio Pagadiri. Harrigarriena, lorategiaren erdian dagoen yatea.

Vanesa ezagutu du Mikel Pagadik Artzentalesen. Vanesak bidaiatzea du gustuko eta Ekuadorretik ekarritako zerbatana erabiltzen ikusi dugu Pagadi.

Bizkaiko mendebaldean, Kantabriarekin mugan dago Artzentales. Katanak, zuhaitz erraldoiak, itsasontziak… Zer ez ote dute topatuko Mikel Pagadik eta Miren Nogalesek? Ez galdu igandean, 22:00etik aurrera,  ETB1en eta eitb.eus atarian.

Larrean, Barrundiako herrietako batean, Oier aurkitu du Mirenek. Oierrek lanean jarri du, ximaurra, edo berak esaten dion modura, "basura" ortura botatzen. Ordainetan, calçotak eman dizkio probatzeko. Bazkalostean, aitona Eugeniorekin, Pavarottirekin eta lagunekin rantxerak abestu dituzte.

Larrean, Barrundiako herrietako batean, Afrorekin egin du topo Pagadik. Afrodisio Olabe da haren izena, eta aitabitxiak jarri zion izena amari xantaia egin ostean. Ingeleseko irakaslea izandakoa da Afro, eta Valladoliden ikasi zuen hizkuntza. Beatlesen abestien hitzak ulertzeko ikasi nahi zuen.

Elgean, Barrundiako herrietako batean, Garbiñe Lopez de Uralde Martinez de Soria aurkitu du Mirenek. Lehen zazpi abizenak konposatuak ditu, arabar peto-petoa dugu bera. Bere sokatira taldea zortzi aldiz izan da Munduko txapelduna, eta nola entrenatzen erakutsi dio Mireni.

Araba aldera egingo dute bisita Miren Nogalesek eta Mikel Pagadik igandean. Barrundia udalerria eta bertako herri eta herritarrak ezagutuko ditugu beraiekin batera. Ez ezazu galdu "Herri Txiki, Infernu Handi" saioa, 22:00etan, ETB1en eta eitb.eus-en.

Jesusen Bihotzaren eskulturari otoitz egiten dio egunero Juan Kruz Balda artzainak. Naturan sinesmen osoa du, Jainkoa baino lehenago dago natura, haren hitzetan, eta lanik zailena apaizak du, berak sinisten ez duela besteei sinestarazten.

"Apirileko Feria" delakoa ospatzen dute ibaetarrek. Iratxe Baldak Arrikitaun tabernara eraman du Mikel Pagadi eta han sevillanak dantzatzen erakutsi dio. Mikel apropos jantzi da, noski.

"Aupa Real, ante todo". Maria Jesusek ez du partida bakarra galtzen eta Reale Arenako harmailetan zer egiten duen azaldu dio Mireni: taldea animatu, golak saltoka ospatu, eta Imanoli aginduak eman. Gainera, Maria Jesusek Realeko jokalarien ezustekoa jaso du.

Portuetxen, unibertsitatearen campusean eta Donostiako Ibaeta auzoko beste hainbat lekutan izango dira Mikel Pagadi eta Miren Nogales igande honetan. Ez galdu, 22:00etatik aurrera, ETB1en eta eitb.eus atarian.

Irkus Robles Aranguiz margolaria ezagutu du Miren Nogalesek. Duela 20 urte bizi da Auritzen. Etxean beti du musika jarrita eta bere margolanak erakutsi dizkio Mireni. 87 urte ditu eta sasoiko dago. Sekretua, GinkGo biloba, limoi urarekin, eta esnea, kakao hutsarekin eta ezti askorekin.

23 urterekin izendatu dute Unai Auritzeko alkate, erabateko gehiengoz gainera. Soziologoa eta abeltzaina ogibidez, behiak izendatzeko metodo bitxia azaldu dio Pagadiri. Horrez gain, herritik erronda egin dute biek, akordeoi eta guzti.

Pagadik basoan topatu du Xanti, animaliei argazkiak ateratzea biziki gustuko duen auriztarra. Honek "superbibentzia basikoa" erakutsi dio, alegia, orientatzeko hainbat gako eta sua egiteko hainbat aholku eman dizkio. Ikasi ote du zerbait Mikelek?

Alfa hizkia du sarreran Auritzeko hilerriak, eta Omega hizkiaren forma du. Bizitzaren hasiera eta amaiera esan nahi dutela azaldu digu Ederrek, historiazale "frikiak". 2014. urtean Estatuko hilerririk onenaren saria eman zion 'Adiós' aldizkariak. Adi! 12.000 urteko itxaron-zerrenda ei dago.

Nafarroa aldean ibiliko dira gure deabrutxoak, Auritzen hain justu, eta bertoko bizilagunekin hartu-emana izango dute Mirenek eta Mikelek, baita Erdi Aroko mertzenario batekin ere. Ez galdu, igandean, 22:00etatik aurrera, ETB1en eta eitb.eus atarian.

Mikel Pagadik Laudioko txapeldun handi bat ezagutu du: Geraxane Ussia atleta. Geraxanek errelebo- lasterketetan lekukoa nola eman behar den irakatsi dio Pagadiri.

Mirenek Laudion Kepa ezagutu du. Gizon mendizalea da eta bere motxilan hainbat gauza interesgarri aurkitu diugu; Nokia mugikor bat, besteak beste.

Peio eta Gaizka anaiak baserritik herrigunera joan dira bizitzera, baina amarengandik ez dira asko urrundu. Pagadik Laudioko jaietan ospatzen den "flaneo" probaren entrenamendua burutu du beraiekin.

Alice Machalo, 94 urteko emakumea, autoa gidatzen etxera bidean aurkitu du Mirenek. Osasuntsu egoteko sekretua, astean birritan, whiski japoniarra edatea omen da, Aliceren esanetan. Ez du euskara galdu 70 urte luzez Parisen bizi arren. Tangoa nola dantzatzen den ere erakutsi dio Mireni.