Argentina

Kongresuak unibertsitate publikoei finantzaketa legez bermatzeko neurria onartu ostean, beto mehatxua egin du eskuin muturreko presidenteak. Argentinak % 240ko inflazioa pairatzen du, eta herritarren erdiak pobrezian murgilduta daude.

Quinok sortutako neskato arinaren lehen komikia 1964ko irailaren 29an argitaratu zen. Mafaldak gorroto du zopa, The Beatles maite du, eta horren esaldi argiek oihartzun handia izaten jarraitzen dute mundu osoan, 20 hizkuntza baino gehiagotara itzuli baita.

Ehunka lagun ebakuatu dituzte Capilla del Monte herritik. Gutxienez 20 etxebizitza kiskali dira bertan, eta hainbat lagunek erredurak dituzte. Suhiltzailek bost egun daramatzate lanean, hainbat foku baititu suteak.

Nahuel Tenaglia Alaveseko jokalariak klubeko telebistan hitz egin du taldearen denboraldi hasierari buruz. Gaineratu du eguneroko lana dela sasoi hasiera onaren gako nagusia. (adierazpenak gaztelaniaz)

Pala Joko Sopela Pro'24 txapelketako bigarren partidako protagonistak izan dira Maldonado-Gordon eta Necol-Del Rio bikoteak. Garaipena Necolek eta Del Riok bereganatu dute. Bideo honetan dituzu ikusgai eta entzungai, neurketan zehar palistei grabatutako soinu esanguratsuenak.

Argentinako presidenteak sustatutako ekimena da hau. Javier Milek "inflexio puntua" dela esan du, herrialdea "amildegi" batean aurrean dagoelako eta "aldaketa" beharrezkoa delako.

Espainiaren eta Argentinaren arteko krisi diplomatikoan, Isabel Díaz Ayusok Madrilgo Erkidegoko nazioarteko domina eman dio. Edukirik eta gonbidaturik gabeko ekitaldia izan da.

Lege horrek eztabaida eragin duen lan-erreforma eta enpresa publiko batzuen pribatizazioa jasotzen ditu. 1.200 agente bidali ditu Segurtasun Ministerioak eta 23 pertsona atxilotu dituzte.

Feijook ohartarazi duenez, Espainiak Argentinan duen enbaxadorea kentzeko erabakiak "kalte egiten die bertan bizi diren espainiarrei, enpresei eta herrialdearen irudiari". Gainera, PPko buruak adierazi du ez datorrela bat Palestinako Estatua aitortzeko erabakiarekin.

Argentinako presidenteak atzera egin barik jarraitzen du eta beste behin Pedro Sanchez Espainiako gobernuburua izan du hizpide, asteburuan Begoña Gomez emaztearen kontrako salaketak egin ostean.

Pedro Sanchez Espainiako Gobernuko presidenteak ohartarazi duenez, barkamena eskatzen ez badu, erantzuna "Espainiako demokraziaren duintasunaren eta bi herrialdeak lotzen dituzten anaitasun loturen mailakoa" izango da.

Sanchez presidenteari eta haren emazteari buruz esandako gauza "larriak" direla eta, "publikoki barkamena" eskatzeko galdegin dio Jose Manuel Albares Atzerri Gaietarako ministroak Mileiri. Egiten ez badu, Espainiak "beharrezko neurriak" hartuko ditu bere "subiranotasuna eta duintasuna" defendatzeko.

"Europa Viva 24" ekitaldian ultraeskuinaren nazioarteko ordezkariak egongo zirela jakinda deitu dute protesta. Podemosek ere bat egin du protestarekin, eta Vox gaitzesteaz gain, Irene Monterok gogor kritikatu ditu Argentinako presidentearekin bildu diren espainiar enpresaburuak.

Sozialismoaren aurkako "aliantza globala" eraiki du Voxek Argentinako, Portugalgo, Italiako eta Hungariako gobernuburu ultraeskuindarrekin, eta denak bildu ditu Vistalegren, Madrilen. Sozialismoaren kontra ez ezik, Europako laborantza- eta migrazio-politiken aurka ere egin dute guztiek.

Hiru emakume lesbianen feminizidioak agerian utzi du Mileik sustatzen dituen gorroto hitzaldien eragina. Argentinako presidentea Espainian da egunotan, eta Santiago Abascal Voxeko buruarekin batzartuko da gaur.

Javier Milei Madrilera etorri da Voxi babesa emateko Europako hauteskundeetarako kanpainaren hasieran.

Garraio eta Mugikortasun ministroak esan zuen Argentinako presidentea "ez dakit zein substantzia" hartuta edo hartu aurretik agertu zela hauteskunde ekitaldi batean. Sare sozialen erabilerari buruzko hitzaldi batean egin ditu adierazpenok.

Manifestariak kalera atera dira unibertsitate publikoaren alde eta Javier Mileiren Gobernuak zentro horiek ez finantzatzearen aurka. Argentinako Gobernuaren aurka orain arte egin den mobilizaziorik handiena izan da.

Enpresari estatubatuarrak eta Argentinako presidenteak hitz onak besterik ez dituzte izan elkarrentzat.

Buenos Airesen bizi den euskal diasporak ilusio eta urduritasun handiz bizi izan du Kopako finala. Penaltietan, azkenik, festak eztanda egin du.

Gizarteak kaleak hartu ditu gaur Argentinan, "Nunca Más" lelopean. Mileiren Gobernuak diktaduran desagertutakoen kopurua zalantzan jarri izanari erantzunez, "30.000 dira" esan diote, ozen eta argi. Buenos Airesen, ezkerreko gazte mugimendua eta Maiatzeko Plazako amak izan dira protagonista.