Altsasu

Altsasun egin duten manifestazioan, langile batzordeak esan du agerikoa dela Sunsundeguiren bideragarritasuna, eta Nafarroako Gobernuari eskatu diote inbertsore bat bilatzen laguntzeko. Esan dutenez, interesdun batzuk badaude, baina finantzazioa omen da gakoa.

Altsasura gerturatu gara animaliekin esku-hartzea nolakoa den ikustera. Biak Bat elkartean batez ere txakurrekin aritzen dira terapian, baina katu, dortoka edo akuriekin ere egin daitezke saioak, pertsonaren arabera.

Itzuliko 3.etapa esprintean amaitu da, eta Quinten Hermans (Alpecin) izan da irabazlea. Azken kilometroaren aurretik eroriko handi bat izan da tropel erdian. Hemen ikus daiteke bertan gertatutakoa.

Jakak eta Mariezkurrena II.ak 20-22 menderatu dituzte Ezkurdia eta Tolosa, Altsasuko Burunda pilotalekuan. Mariezkurrenak partidan egindako tanto ikusgarria jaso dugu bideo honetan.

Erik Jakak, Jon Mariezkurrenarekin batera, Ezkurdia-Tolosa bikotearen aurka garaipena lortuta (20-22) biribildu du Binakako Txapelketako ligaxkako lehen postua. Hala ere, Jaka kexatu egin da pilotengatik.

Une hartan adin txikikoak ere bazeuden aldageletan. Altsasu KE futbol taldeko kapitainak ez daki horrelako zerbait gertatzen den lehen aldia den ala ez.

Koalizio subiranistaren aberastasuna inguruan biltzeko gai diren kapital politiko eta indar komunitarioan datzala esan du EH Bilduk, Altsasun kanpainan zehar jo eta ke lanean ibili diren dozenaka hautagai eta militanteren aurrean.

Olatz Gardek, Sakanako Mankomuniateko hondakin teknikariak, aurkikuntza xelebre ugari egin dituztela kontatu digu, tartean eskeleto bat ere bai.

Gaur egun dituzten 300 langileetatik 700 baino gehiago izatera pasako dira datozen lau urteetan. Volvoren distantzia luzeko, luxuzko, bi autobus modelo egingo dituzte; produkzioa bikoiztuz. 800 autobus egingo dituzte urtero.

Euskal idazlea eta euskaltzaina da Castillo Suarez. 'Alaska' poesia liburua argitaratu du eta hori aurkeztera etorri da. (Elkarrizketa osoa Nahieran)

Momorrotxoak Altsasuko herrira iristen dira eta amarrua eginez, bidean topatzen duten guztia zirikatu egiten dute egurrezko sardeekin. Tradizioa 1930eko hamarkadan galdu bazen ere, gaur oso bizirik dago duela 40 urte berreskuratu zenetik.

Igandean, Altsasuko Burunda pilotalekuan, Binakako Txapelketan sailkapeneko azken postuan dauden bikoteek neurtuko dituzte indarrak, Ezkurdia-Martijak eta Jaka-Arangurenek, hain zuzen ere. Astearte honetan 12. jardunaldiko partida horretarako pilotak hautatu dituzte.