Alemaniako hauteskundeak bertatik bertara jarraituko ditu EITBk, informazio, datu eta analisi guztiekin

Igande honetan, otsailak 23, Alemanian egingo diren hauteskundeei arreta berezia emango diete EITBren hedabideek, eta albistegi eta programa bereziak egingo dituzte bertatik Euskadi Irratiak, Euskal Telebistak eta Radio Euskadik. Informazioan eta zerbitzu publikoan erreferente izatearen konpromisoari eutsiz, kanpainaren azken orduak zein hauteskunde gaua eta horren biharamuna gertutik jarraituko ditu EITBko profesionalen lantalde zabal batek, informazio, datu eta analisi guztiak geuregana hurbiltzeko.

Ostiral honetan bertan abiatu da jarraipen berezia, Euskadi Irratiak Berlinetik egindako goizeko "Faktoria" albistegiarekin, Iñaki Guridi buru.

¿ #Faktoria berezia, ZUZENEAN, Berlindik.

Une erabakiorrak bizi ditu Alemaniak eta hango egoerak gurean izango duen eragina aztertzea du helburu Euskadi Irratiak hara bidalitako lantaldeak.

¿ZUZENEAN¿¿https://t.co/kL1nNf0EG0 pic.twitter.com/Yy4bq76TzZ

— Euskadi Irratia (@euskadi_irratia) February 21, 2025

Asteburura begira, Euskal Telebistako "Gaur Egun" eta "Teleberri" albistegiek ere Alemaniara joko dute, eta Berlinen izango dira Jonan Apaolaza eta Xabier Ormazabal, Mikel Reparaz EITBko Nazioarteko arduradunarekin eta Ane Irabazal Alemaniako korrespontsalarekin batera. Larunbatean bertan zuzeneko konexioak egingo dituzte, eta igandean Berlinetik egingo dira albistegiak.

Hurrengo egunean, Radio Euskadik "Boulevard" berezia egingo du Alemaniatik, Eider Hurtadok gidatuta.

ORAIN albiste zerbitzuak ere gertutik jarraituko ditu hauteskundeak eta, ohi bezala, datuak eta emaitzak eitb.eus webgunean, EITB Albisteak aplikazioan eta EITBren sare sozialetan izango dira ikusgai.