Quintanak Froomeri eutsi dio eta bigarren Vuelta eman dio Kolonbiari

Pierre Latourrek (Ag2r) irabazi du Espainiako Vueltaren 20. etapa, 193,2 kilometrokoa Benidorm eta Aitanako gainaren artean. Nairo Quintanak (Movistar) garaipena ziurtatuta utzi du, Madrileko etapa falta denean. Chris Froome (Sky) bigarrena izango da, eta Esteban Chaves (Orica-BikeExchange), hirugarrena Alberto Contadorren (Tinkoff) aurretik).

Movistarreko kolonbiarrak Froomeren eraso guztiei eutsi dio. Britainiarra jaitsieretan eta azken igoeran saiatu da, baina Quintanak gertutik jarraitu du, eta aurretik sartu da helmugan, esprintatuta.

Chavesek taldearen lana aprobetxatu du bakarrik joateko eta Pintoko txirrindulariari gailentzeko sailkapen orokorrean.

Etapako borrokan, Latour izan da onena. Darwin Atapumari (BMC) gailendu zaio igoeraren azken kilometroan. Biek lasterketa buruan joan diren Luis Leon Sanchez (Astana) eta Rudy Molard (Cofidis) utzi dituzte atzean.

Omar Frailek (Dimension Data) Kenny Elissonderi (FDJ) irabazi dio mendiko sailkapenean, frantziarrak baino puntu bat gehiago eskuratuta.

20. ETAPAKO SAILKAPENAK