Espainiako Vuelta
20. etapa
Agentziak | Erredakzioa
Ruben Plazak lortu du etapa garaipena, 140 kilometro ihes eginda eman ostean. Romain Sicard laugarren izan da, eta Zubeldia hamazazpigarren.
Albisteak (3)
Bideoak (1)
Ruben Plaza (Lampre) txirrindulariak irabazi du Espainiako Itzuliko 20. etapa, 175 kilometrokoa, San Lorenzo de El Escorial eta Cercedilla artean. Fabio Aruk, berriz, behin betiko kolpea eman dio sailkapen nagusiari eta bera da lider berria. Ezuste handirik ez bada, italiarrak irabaziko du aurtengo Vuelta.
Plazak 140 kilometro eman ditu ihes eginda, eta 4 ordu 37 minutu eta 6 segundo behar izan ditu helmugara iristeko. Aruren taldea 3 minutu eta 36 segundora sartu da, eta hor ez da Tom Dumoulin egon. Holandarraren gurutze-bidea La Morcuera mendatera egin duten bigarren igoeran hasi da. Astana taldearen estrategiak min handia egin dio gaur arteko liderrari.
Ondorioz, Fabio Aru da orain sailkapen nagusiko liderra. Azken etaparen faltan, podiumeko bigarren tokia Joaquim ‘Purito’ Rodriguezentzat izango da, eta hirugarrena Rafal Majka poloniarrarentzat.
Igandean azken etapa lehiatuko dute: 97,8 kilometro Alcala eta Madril artean.
Hurrengo zuzenekoak
21 | 11:59 - 13:59 | ZESTA-PUNTA | Emakumezkoen Hondarribiko Grand Slameko finala |
21 | 15:30 - 17:09 | ERREMONTEA | Banakako finala: Ansa II vs Urriza |
21 | 17:10 - 19:59 | PILOTA | San Mateoak: Ezkurdia-Martija vs Dario-Rezusta |
22 | 22:00 - 00:30 | HERRI KIROLAK | EUSKAL PENTATLOIKO FINALA |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa