Frantziako Tourraren 5. etaparen profila eta ibilbidea: Paue-Laruns (162,7 km)

2023ko Frantziako Tourreko 5. etapa, uztailaren 5ean jokatuko dena, Pauetik irten eta Larunsen amaituko da. 162,7 kilometroko ibilbidearekin, etapa 13:05ean hasi eta 17:21 aldera amaituko da.

Edizioko mendiko lehen etapa izango da, aurreko bi etapa lauak gainditu ondoren. Etapa ona izango da faboritoak sailkapenari begira puntuak irabazten saiatzeko.

Lehen zatian ia ibilbide laua egin ondoren, Col de Soudet mendateak (maila berezia, % 7,2an) tropela hautsi eta lehen liderren multzoa aukeratuko du. Ondoren, Col d'Icherera (3. maila, % 7ra) jaitsiko dira eta Marie-Blanque (1. maila, % 8,8ra) mendate zorrotzari egin beharko diote aurre, helmugatik 18 kilometrora.

Goizegi izango da etapako irabazlea Tourreko lider iraunkor izendatzeko, baina baten bat atzean geratzen bada, agur esan diezaioke bere aukerei.

Etapa EITBn izango da ikusgai, zuzenean, eitb.eus-en eta ETB1en. eitb.eus-en, emanaldia 14:40an hasiko da, eta ETB1en, ordea, 15:00etan. 

4. etaparen profila | 6. etaparen profila

ETAPAREN PROFILA

2023ko Frantziako Tourraren 5. etaparen profila. Argazkia: letour.fr

------------------------------------------

SOUDET

Soudeterako igoera, 2023ko Frantziako Tourraren 5. etapan. Argazkia: ©A.S.O.

------------------------------------------

MARIE BLANQUE

Marie Blanquerako igoera, 2023ko Frantziako Tourraren 5. etapan. Argazkia: ©A.S.O.