Tourraren, Giroaren eta Vueltaren datak iragarri ditu UCIk

Txirrindularitzaren Nazioarteko Elkarteak (UCI) Frantziako Tourra COVID-19aren pandemiagatik bi hilabete atzeratuko dela ofiziala egin du.

Txirrindularitzaren munduko hainbat elkarte eta talde izan dira gaur egin den bileran eta bertan erabaki dute Frantziako Tourra abuztuaren 29an hasiko dela eta irailaren 20an amaitu.

Bide batez, Italiako Giroa urrian jokatuko dela esan dute eta ondoren Espainiako Vuelta.

Munduko Txapelketaren data ez da mugitu, hots, irailaren 20tik 27ra jokatuko da Aigle-Martignyn (Suitzan).

Oraindik datarik ez dute bost klasiko handiak, Milan-Sanremo (Italia), Flandriako Tourra (Belgika), Paris-Roubaix (Frantzia), Lieja-Bastogne-Lieja (Belgika) eta Lombardía (Italia).

¿2020 UCI International Road Calendar Update

¿ Suspension of competitions until 1 July (1 Aug for UCI WT)
¿ @LeTour will take place between 29 Aug - 20 Sep
¿ @aiglemartigny20 will still take place between 20-27 Sep

Check out all the updates here ¿https://t.co/PyRy3BPtE5 pic.twitter.com/inVDx4TIMb

— UCI (@UCI_cycling) April 15, 2020