Froome Tourrera joan ala ez aztertzen ari da, 'menditsuegia' delako

2015eko Frantziako Tourraren aurkezpenak lehenengo ondorioa izan du jada: Chris Froome 2013ko irabazleak zalantzan jarri dui bere parte-hartzea, berez ustez, eskalatzaileentzat aproposa delako eta erlojuaren kontra kilometro gutxi dituelako.

"Datorren urteko Tourra menditsua da eta erlojuaren kontrako lehiak garrantzi gutxi izango du. Ondorioz, guztia aldapan gora erabaiko da. Lasterketa gogorra eta zorrotza izango da", adierazi du britainiarrak bere webgunean.

Hori ikusita, Froomek esan du Sky taldean hiru lasterketa handien ibilbideak aztertuko dituztela zeinetara joan erabaki aurretik. "Lasterketa handi eta orekatuen txirrindularia naiz, eta Giroak, adibidez, oreka hori izango du: 60 kilometro egingo dira erlojuaren kontra eta etapa menditsu batzuk ere ditu. Nire ezaugarrietarako aproposa da", gaineratu du Froomek.