Usoa Ostolaza, garaile El Salvadorko Itzuliko lehen etapan

Usoa Ostolaza zarauztarrak (Laboral Kutxa-Euskadi Fundazioa) irabazi du El Salvadorko Itzuliko lehen etapa (atzo atarikoa jokatu zen), eta sailkapen nagusiko bigarren postura egin du jauzi.

Erdialdeko Amerikako herrialde horretan korritzen den itzuliko lehen jardunaldiak 97,5 kilometroko ibilbidea izan du, Surf City eta Nahuizalco gaina lotu ditu (5,1 kilometro eta batez beste % 5,6ko maldak). Euskal taldeak mendateko lehen maldak heldu arte kontrolatu du lasterketa, eta igoerako aldapetan lau txirrindulari nabarmendu dira: Ostolaza bera, Yanina Kuskova taldekidea eta Elena Hartman eta Dilyxine Miermont Ceratizit taldeko txirrindulariak.

Azkenik, Zarauzko kirolaria sartu da lehen tokian Nahuizalcoko helmugan, iheskideei hiru segundoko aldea aterata. Garaipen horrek sailkapen nagusiko bigarren postura igotzeko balio izan dio Ostolazari, eta bi segundora du orain Hartman kanadarra.

Lasterketak beste hiru etapa izango ditu, eta igandean amaituko da.

ETAPAKO SAILKAPENA:

1 - OSTOLAZA Usoa (Laboral Kutxa-Euskadi Fundazioa) 2:42:53

2 - HARTMANN Elena (CERATIZIT) +0:03

3 - KUSKOVA Yanina (Laboral Kutxa-Euskadi Fundazioa) d.b.

4 - MIERMONT Dilyxine (CERATIZIT) d.b.

5 - GARZON Natalia (Sistecredito) +0:59

6 - NUÑEZ Miryam Maritza (Macizo) d.b.

7 - STIASNY Petra (Roland) d.b.

8 - VILLAMIZAR Karen Lorena (Pato Bike) 1:11

9 - BIRIUKOVA Yuliia (Laboral Kutxa-Euskadi Fundazioa) +1:12

10 - VILLALÓN Aranza Valentina (Sistecredito) d.b.

SAILKAPEN NAGUSIA:

1 - HARTMANN Elena (CERATIZIT) 2:46:44

2 - OSTOLAZA Usoa (Laboral Kutxa-Euskadi Fundazioa) +0:02

3 - KUSKOVA Yanina (Laboral Kutxa-Euskadi Fundazioa) +0:06

4 - MIERMONT Dilyxine (CERATIZIT) +0:09

5 - NUÑEZ Miryam Maritza (Macizo) +1:06

6 - GARZON Natalia (Sistecredito) +1:10

7 - VILLAMIZAR Karen Lorena (Pato Bike) +1:16

8 - LONDOÑO Angie Mariana (Colombia) +1:19

9 - STIASNY Petra (Roland) d.b.

10 - VILLALÓN Aranza Valentina (Sistecredito) +1:21