Oier Lazkano Movistar taldean arituko da

Movistar Team taldeak 2022rako egin duen laugarren fitxaketaren berri eman du gaur, Caja Rural – Seguros RGA etxeko Oier Lazkano (Gasteiz, 1999) fitxatu duela iragarri baitu.

Gasteiztarrak hurrengo hiru denboraldietarako sinatu du, eta, Oscar Rodriguez, Max Kanter eta Alex Aranburu bezala, taldea indartzeko heldu da.

Eusebio Unzue Kirol zuzendariak talentu handiko gazte bat fitxatu duela esan du: "Gaitasun handiko ziklista da Oier. Talentu handikoa, nekaezina, eta hamaika ihesalditan parte hartu eta erakustaldia eman duena beti. Potentzia handikoa".

Aurtengo denboraldian, txirrindulari oso garrantzitsua izan da Caja Rural taldean, eta Euskal Herriko Itzulian, Donostiako Klasikoan eta Espainiako Itzulian parte hartu du.

Encantado de poder anunciarlo. Muchas gracias por esta oportunidad. Deseando poder lucir estos colores! https://t.co/o3KwYxjpWD

— Oier Lazkano (@LazkanoOier) October 5, 2021