Txirrindularitza
Kataluniako Volta (4. etapa)
Chavesek etapa nagusia irabazi du eta Adam Yatesek lidergoari eutsi dio
A. B. | EITB Media
Esteban Chavesek irabazi du Kataluniako Voltako laugarren etapa, Port Ainen amaitu dena. Adam Yates laugarren izan da, eta sailkapen nagusiko lehen postuan mantentzen da.
-
Esteban Chaves, garaipena ospatzen. Argazkia: EFE
Esteban Chavesek (BikeExchange) irabazi du Kataluniako Voltako etapa nagusia, laugarrena, Ripoll eta Port Aine (166,5 kilometro) artean egin dena. Adam Yatesek (INEOS Grenadiers) lidergoari eutsi dio.
Asteazkenean bigarren izan zen Chaves, eta Port Aineko igoeran, aldiz, onena izan da. INEOS taldeak lan bikaina egin du, baina ezin izan du eguna garaipenarekin biribildu. Michael Woods (Israel Start-Up Nation) izan da bigarren eta Geraint Thomas (INEOS Grenadiers) hirugarren.
Sailkapen nagusiko lehen hiru postuak INEOS Grenadiers taldeko txirrindulariek betetzen dituzte. Adam Yates da lehen postuan eta 45 segundo ateratzen dizkio Richie Porteri. Geraint Thomas liderrarengandik 49 segundora dago.
Hurrengo zuzenekoak
- Gaur
- AZ.
- OG.
- OR.
- LR.
- IG.
- AL.
|
Ez dago zuzenekorik |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
