Gaur arratsaldean, "Euskaldunak Giroan" saioan, 2017ko Mikel Landaren garaipena

Astean zehar txirrindularitza gehiago EiTBn.

Astelehenetik larunbatera bitartean, arratsaldeko 15:45etatik 18:00etara arte, txirrindularitzako saio berezia eskainiko da, "Euskaldunak Giroan" goiburupean.

Azken urteetan euskal txirrindulariek Italiako lasterketan lorturiko garaipenak ikusgai izango dituzte ikus-entzuleek "Euskaldunak Giroan" saioan, 16:00etatik aurrera, ETB1en eta eitb.eus.en. Igor Anton, Beñat Intxausti, Jon Izagirre, Gorka Izagirre, Mikel Landa, Mikel Nieve Omar Fraile eta Pello Bilbao garaile izan dira Giroko etapetan eta haien garaipenekin gozatzeko aukera izango dute zaleek.

GARAIPENEN EGITARAUA

Astelehenean, Igor Anton eta Mikel Nieveren garaipena (2011ko Giroa).
Asteartean, Jon Izagirrerena (2012ko Giroa).
Asteazkenean, Beñat Intxaustirena (2013ko Giroa).
Ostegunean, Omar Fraile eta Gorka Izagirrerena (2107ko Giroa).
Ostiralean, Mikel Landarena (2017ko Giroa).
Larunbatean, Pello Bilbaorena (2019ko Giroa). Bi lortu zituen, ekainaren 1ekoa emango du EiTBk, Monte Avenan lorturiko garaipena 20. etapan.