Bardet, azkarrena

Romain Bardet (Ag2r) frantsesak Dauphine Kriteriuma txapelketaren bosgarren etapa irabazi du, alegia, Digne-les-Bains eta Pra-Loupen artean jokatu den 161 kilometroko lasterketa. Bertan, bigarren egin duen Tejay Van Garderen (BMC) estatubatuarrak eraman du lidergoa.

23 urte dituen txapelduna, Col D'Allos-en nabarmendu da bereziki. Gainera, jaitsieran 1.26 minutuko aldea atera dio taldeari. Gauzak horrela, Pra Loup bakarrik igarotzeko behar besteko abantaila atera du, 4 ordu 31 minutu eta 22 segundotan burutuz proba. Ondoren, Van Garderen estatubatuarra helmugaratu da, 35 segundora, eta jarraian Chris Froome (Sky) 39ra. Hirugarren honi hortzak estutuz, Movistarreko Beñat Intxausti euskalduna bertaratu da, hain zuzen ere, lehenengotik 42 segundora.

Txanponaren beste aldeari erreparatuz gero, Movistarreko Alejandro Valverde (1.53 segundora) eta Astanako Vincenzo Nabali (1.59 segundora) ditugu. Bestalde, sailkapen orokorrean, Van Garderenek eraman du lidergoa eta honi hortzak estutzeko asmoz, Beñat Intxausti bizkaitarra hamazortzi segundora doa bigarren. Hirugarren, aldiz, Bardet (20 segundora).

.@benatintxausti se coloca 2º en la general del #Dauphiné a tres jornadas de la conclusión. Mañana, Villard-de-Lans. pic.twitter.com/bY236lKvVq

— Movistar Team (@Movistar_Team) junio 11, 2015

.@tejay_van nouveau leader du @dauphine / new leader #Dauphine pic.twitter.com/h5ZCO2aOKH

— Critérium Dauphiné (@dauphine) junio 11, 2015