Goi-mailako lehia izango da Lombardiako Giroan

Alberto Contadorren (Tinkoff Saxo) eta Alejandro Valverderen (Movistar Team) arteko lehia izango da aurtengo Lombardiako Giroko gauza erakargarrienetako bat (zuzenean, ETB1en eta eitb.eus-en). Biek lider amaitu nahi dute denboraldia, UCIko sailkapenean.

Joaquin 'Purito' Rodriguez (Katusha) izango da kontuan hartzeko beste txirrindularietako bat, beste zenbait izen handirekin batera: Michal Kiatkowski munduko txapelduna, Rui Costa portugaldarra, Philippe Gilbertbelgikarra eta beste ‘klasikozale’ asko.

Txirrindulariek 254 kilometroko ibilbidea egingo dute, Como eta Bergamo artean. Lehen mendatea 58. Kilometroan aurkituko dute, Bellagio, hirugarren mailakoa.

Handik aurrera, gora eta behera arituko dira, etengabe, Italiako Giroan igotzen diren zenbait mendate igota: Colle de  Pasta, Gallo, Ganda eta Branca, esaterako, azken hori helmugatik 26 kilometrora. Azken kilometroetan, Garibaldu eta Boccola gainditu beharko dituzte, Bebennoko gainan jarritako helmugara iritsi aurretik.