Froomek irabazi du etapa nagusia eta Kwiatkowski da lider berria

Christopher Froomek irabazi du Tirreno-Adriatikoaren etapa nagusia. Jardunaldiak 173 kilometro izan ditu Narni eta Prati di Tivo, eta Poloniako Michal Kwiatkowski (Omega-Pharma) da probako lider berria.

Froomen atzetik, Mauro Santambrogio (Vini Fantini) eta Vincenzo Nibali (Astana) txirrindulari italiarrak sailkatu dira. Sailkapen nagusian, lau segundoko aldea du Kwiatkowskik Froome bigarren sailkatuarekin. Getxoko Jonathan Castroviejo zortzigarren postuan dago.

Helmugara heltzeko 800 metroren faltan, Nibali eta Contador ziren lasterketa buruan, baina Froomek biak gainditu ditu, eta, azken metroetan, bera izan da nagusi. Igandean bosgarren etapa jokatuko da, Ortona eta Chieti artean (230 kilometro).

4. etapa

1. Chris Froome SKY
2. Mauro Santambrogio VIN  6"
3. Vincenzo Nibali AST  11"
4. Michal Kwiatkowski OPQ  13"
5. Chris Horner RLT  15"
6. Alberto Contador TST  15"
7. Rigoberto Urán SKY  20"
8. Wouter Poels VCD  43"
9. Joaquim Rodríguez KAT  43"
10. Roman Kreuziger TST  58"

Sailkapen nagusia

1. Michal Kwiatkowski OPQ
2. Chris Froome SKY  4"
3. Vincenzo Nibali AST 16"
4. Alberto Contador TST  30"
5. Rigoberto Uran SKY  33"
6. Chris Horner RLT  40"
7. Mauro Santambrogio VIN
8. Jonathan Castroviejo MOV  1:04
9. Roman Kreuziger TST  1:16
10. Joaquim Rodriguez KAT  1:16