Italiako Giroa 2022 zuzenean: Giroko etapak eta ibilbidea - EITB Italiako Giroa
Italiako Giroa
13. etapa
Romain Bardetek Italiako Giroa utzi du
Agentziak |EITB MEDIA
Frantziarra laugarren zen sailkapen nagusian, Juan Pedro Lopez liderrarengandik 14 segundora. Ostegunean gaixotu zen eta gau txarra pasa du.
-
Romain Bardet, 2021eko Espainiako Itzulian. Argazkia: Efe.
Romain Bardet frantziarrak (DSM) Italiako Giroa uzteko erabakia hartu du gaixotasun baten ondorioz. Frantziarra laugarren zen sailkapen nagusian.
Bardetek urdaileko arazoak izan zituen ostegunean Genovan amaitutako etapan. Orduek aurrera egin ahala gero eta okerrago sentitu da eta 13. etapan bizikletatik jaisteko erabakia hartu du.
"Triste gaude Romain Bardetek Giroa utzi duela iragarri behar dugulako. Atzoko etapan gaixotu ostean, gau txarra pasatu du eta ahalegin guztiak egin dituen arren, ez dago lasterketan jarraitzeko moduan", azaldu du DSM taldeak ohar batean.
Bardetek Alpeetako Tourra irabazi du aurten, eta laugarren zen Giroko sailkapen nagusian, Juan Pedro Lopez liderrarengandik 14 segundora. Bardeten erretiroaren ondorioz, Mikel Landa seigarren da orain sailkapenean, eta Pello Bilbao, aldiz, bederatzigarren.
Hurrengo zuzenekoak
- Gaur
- IG.
- AL.
- AS.
- AZ.
- OG.
- OR.
| 09 | 16:15 - 18:15 | FUTBOLA | Vila-real vs Alaves |
| 09 | 17:15 - 20:00 | PILOTA | Lau t'erdiko txapelketa | Finalaurrekoa: Jaka vs P. Etxeberria |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
