Italiako Giroa 2022 zuzenean: Giroko etapak eta ibilbidea - EITB Italiako Giroa
Italiako Giroa
5. etapa
Mikel Landak agur esan dio Giroari eroriko baten ondorioz
A. B. E. | EITB Media
Giroko bosgarren etapa amaitzeko 3,9 kilometro falta zirenean erorikoa izan du Murgiako txirrindulariak eta lasterketa utzi behar izan du.
-
Mikel Landa, lurrean, 5. etapan erorikoa izan ostean. Argazkia: EITB Media
Mikel Landak (Bahrain Victorious) agur esan dio Italiako Giroari, asteazken honetan egin den bosgarren etapan erorikoa izan ostean. Murgiako (Araba) txirrindularia erori egin da helmugarako 3,9 kilometro falta zirenean.
Eroriko latza izan du Landak, lasterketako seinaleztapen kartel baten aurka kolpea hartu eta lurrera joan ostean. Taldekide batzuk zain geratu dira, baina euskal txirrindulariak ezin izan du jarraitu, eta ospitalera eraman dute.
Landa protagonista izan zen laugarren etapan, Sestolako igoeran erasoa jota, eta asteazken honetan erorikoa izan du, eta lurrera joan da laugarren etapa irabazi zuen Joe Dombrowskirekin (UAE Emirates) batera.
Pello Bilbao, Bahrain Victoriouseko taldeburua
Franco Pellizotti Bahrain Victorious taldeko kirol zuzendariak Mikel Landaren erorikoa nola gertatu den azaldu dio EITB Mediari. Gainera, italiarrak gogorarazi du Bahrain Victoriousentzat ez dela Giroa amaitu, eta Pello Bilbao izango dela taldeburua hemendik aurrera.
Hurrengo zuzenekoak
- Gaur
- LR.
- IG.
- AL.
- AS.
- AZ.
- OG.
| 21 | 21:05 - 00:05 | PILOTA | San Mateoak: Artola-Salaverri vs Larrazabal-Imaz |
| 21 | 23:30 - 01:10 | ZESTA-PUNTA | Gizonezkoen Hondarribiko Grand Slameko finala |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
