Ackermannek irabazi du Fucecchioko esprint luzean

Pascal Ackermannek (Bora-Hansgrohe) erdietsi du garaipena Italiako Giroko 2. etapan. Bolonia eta Fucecchio herrien artean 200 kiloemtro burutu dituzte txirrindulariek eta nahiz eta ihesaldi bat protagonista izan azkenean esprintean erabakiko da etapa; Primoz Roglicek (Jumbo-Visma) jarraitzen du lider.

Kilometro luzeko esprinta izan da eta tropeleko gizon azkarrenak izan dira bertan. Ackermannek bere lehen garaipena eskuratu du Giro batean eta izen handiko txirrindulariak gainditu ditu, esaterako, bigarren egin duen Elia Viviani (Deceuninck-Quick Step) eta hiurugarren geratu den Caleb Ewan (Lotto-Soudal).

Astelehenean Giroko 3. etapa Vincin hasiko da, 1452. urtean Leonardo Da Vinci jaio zen herrian, eta 220 kilometro egin eta gero Orbetellon amaituko da jardunaldia.

SAILKAPENAK