Alejandro Valverdek ez du Giroa korrituko, Liejan izandako erorikoaren ondorioz

Alejandro Valverde murtziarrak, munduko txapeldunak, ez du Italiako Giroaren 102. edizioa korrituko, Lieja-Bastogne-Lieja klasikoaren atarian izandako erorikoaren ondorioz. Albistea Movistar taldeak konfirmatu du, ostiral goizean.

Valverde apirilaren 25ean erori zen, Lieja-Bastogne-Lieja klasikorako entrenatzen ari zela. Ondorengo asteetan ez du arriskurik hartu nahi, eta, apurka-apurka, ohiko entrenamenduen erritmoari eutsi nahi dio, 2019ko denboraldiko bigarren zatia sasoi betean lehiatzeko.

"Pena da Giroa bezalako lasterketa handi batera joateko moduan ez egotea, baina gorputzari kasu egin behar diot, eta % 100ean sendatu denboraldiari aurre egiteko. Italian zorterik onena izatea opa diet Movistar Teameko taldekideei", idatzi du Valverdek sare sozialetan, bere taldeak emandako albistea konfirmatuz.

Una pena no poder acudir finalmente a una gran prueba como el #Giro, pero hay que hacer caso al cuerpo y recuperarse al 100% para afrontar lo mejor posible el resto del año. Mucha suerte a mis compañeros de @Movistar_Team en Italia. pic.twitter.com/JzTKfM1D65

— alejandro valverde (@alejanvalverde) 2019(e)ko maiatzaren 3(a)