Bigarren etapa eta lidergoa irabazi ditu Greipelek, esprintean

Andre Greipel Lotto Saudal taldeko alemaniarrak irabazi du Italiako Giroko bigarren etapa, esprintean gailenduta. Olbian hasi eta Tortolín amaitu dute ibilbidea, 221 kilometro egin ostean. Alemaniarrak, gainera, sailkapeneko lehen postua erdietsi du.

Eguneko ihesaldiari amaiera eman ostean, tropel nagusiak ez du ezustekorik nahi izan eta lasterketa kontrolatu du azken metroetan garaipena esprintean jokatzeko.

Helmugarako 50 kilometrora Genna Silena igo ostean, gauzak oso azkar gertatzen hasi dira, bukaera zoroa izan da eraso askorekin, baina Greipelek azeri zaharra dela erakutsi du eta berak eraman du garaipena.

Igandean hirugarren etapa jokatuko dute, Sardiniako azkena, astelehenean atsedean hartu eta Siziliara joan aurretik. Etapa laburra izango da igandekoa, 148 kilometro Tortolí eta Cagliari artean, esprinterrentzako egokia.