Greipel gailendu da, eta Contadorrek erorikoa izan du helmugan

Andre Greipel Lotto taldeko alemaniarrak irabazi du Italiako Giroko seigarren etapa. 183 kilometro egin dituzte, guztira, Montecatini Terme eta Castiglione Della Pescaia artean. Alberto Contadorrek lider jarraitzen du, azken metroetan erorikoa izan duen arren.

Greipelek 4 ordu 19 minutu eta 42 segundoko denbora egin du, eta Matteo Pelucchi eta Sacha Modolo italiarrei gailendu zaie helmugan.

Alberto Contadorrek sailkapeneko lehen postuan jarraitzen du, aurkariekin zuen aldeari eutsita: bi segundo Fabio Arurekin eta 20 segundo Richie Porterekin.

Ostiralean zazpigarren etapa korrituko dute, edizio honetako luzeena: 264 kilometro, Grosseto eta Fiuggi artean.

Contador, zalantzan

Alberto Contadorreke izan du jertse arrosa podiumean jantzi, seigarren etapako azken 200 metroetan izandako erorikoaren ondorioz.

Maildarrak ez du ezer hautsi, baina sorbalda dislokatu egin du eta Tinkoff taldeak ostirala arte itxarotea erabaki du Contadorrek Giroan jarraituko duen ala ez erabakitzeko.