Euskaltel-Euskadiko Martin, Etxeberria eta Bou min hartuta daude, baina Itzulian jarraituko dute ostegunean

Euskaltel-Euskadi taldean, Gotzon Martin, Asier Etxeberria eta Joan Bou txirrindulariak min hartuta daude, euskal taldeak asteazkenean jakitera eman duenez; taldeak, baina, baieztatu du Euskal Herriko Itzuliaren osteguneko etapan irtengo direla hirurak, alegia, Santurtzin hasi eta amaituko den etapan.

Euskaltel-Euskadik zabaldutako mediku txostenaren arabera, Martinek "makadura" du "eskuineko ukondoan, bai eta urradurak ere"; Etxeberriak erorikoa izan zuen asteartean, "eta urradurak eta makadurak ditu ezkerreko belaunean eta eskuan, baina bilakaera ona du", eta, gainera, "makadura du kokotsean"; Bouk "makadura du eskuineko aldakan eta sorbaldan".

Martinek, Etxeberriak eta Bouk, beraz, Itzulian jarraituko dute, eta Santurtziko irteeran izango dira.