Egun ospela izan du euskal saskibaloiak, Emakumezkoen Endesa Ligan

Oses Construcción Ardoik, Kutxabank Araskik, IDK Euskotrenek eta Lointek Gernikak porrot egin dute asteburu honetan Emakumezkoen Endesa Ligako 28. jardunaldian.

Ardoik 60-77 galdu zuen Estudiantesen aurka ostiralean. Ondo hasi zen Nafarroako taldea, lehen laurdenean nagusitu zen eta, baina hortik aurrera beherantz egin, eta beste porrot bat zuen.

Araskik ere 86-95 galdu zuen larunbatean Gironaren aurka. Arabako taldeak ez zuen ondo hasi norgehiagoka eta, azken laurdenean erreakzionatu zutenerako —30 punturekin—, berandu egin zitzaien.

Igande honetan, lehen laurden kaskar batek (20-8) Jairisen aurka 73-54 zulora eraman du IDK. Hirugarrenean ere nagusituz, aurkariek garaipena lortzea ziurtatu dute.

Azkenik, Lointek Gernikak lehia parekatua izan du Zaragozaren aurka, baina bigarren zatian ez dira aurkariaren erritmoa jarraitzeko gai izan eta galdu egin dute (71-64).