Saskibaloia
Lointek Gernika
Mario Lopezek entrenatuko du Lointek Gernika, berriro ere
EITB MEDIA
Bizkaiko taldeak asteazkenean baieztatu du; asteartean iragarri zuen Anna Montañanak, 2022-23 denboraldiko entrenatzailea bera, ez zuela karguan jarraituko.
-
Mario Lopez Lointek Gernikara bueltatu da. Argazkia: Lointek Gernika.
Lointek Gernika Bizkaiak askok segurutzat jotzen zuten albistea baieztatu du asteazkenean: Mario Lopezek entrenatuko du klubaren lehen taldea, berriro ere, 2023-24 denboraldian. Hala, entrenatzailea Malosteko taldera bueltatuko da, osasun arazoak tarteko urtebete entrenatu gabe eman ondoren.
Klubak zabaldutako oharrean, Lopezek adierazi du "gogotsu" dagoela, eta osasunari dagokionez, "askoz hobeto": "Dagoeneko, datorren denboraldiko lantaldea osatzen ari gara; zeresana ematen duen taldea izaten jarraitu nahi dugu".
Gerardo Candina Gernika KESBko presidenteak, aldiz, nabarmendu du "ilusio handia" duela Lopez berriro Malosten ikusteko: "Mario ondo dago, osasuntsu; beraz, azken denboraldietako proiektuari jarraipena emango diogu".
Asteartean, Lointek Gernikak iragarri zuen Anna Montañanak, 2022-23 denboraldiko entrenatzaileak, ez zuela karguan jarraituko.
Hurrengo zuzenekoak
- Gaur
- IG.
- AL.
- AS.
- AZ.
- OG.
- OR.
| 28 | 11:00 - 14:00 | PILOTA | Afizionatuen Diario Vasco Txapelketa |
| 28 | 17:15 - 20:00 | PILOTA | Binakakoa: Artola-Mariezkurrena II vs Elordi-Zabaleta |
| 29 | 23:15 - 00:45 | ERREMONTEA | Binakako Txapelketako finala |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
