Saskibaloia
Urrezko LEB Mailarako igoera
A. B. E. | EITB Media
Talde bizkaitarrak 63-75eko emaitzarekin galdu du Barça Bren aurka jokatu duen Urrezko LEB Mailara igotzeko kanporaketako joaneko partida. Itzulikoan 12 puntu baino gehiagogatik irabazi beharra du.
Zornotza ST - Bartzelona B partidako irudia. Argazkia: @zornotzast
Zornotza ST taldeak 63-75eko emaitzarekin galdu du Bartzelona Bren aurka jokatu duen Zilarrezko LEB Mailako igoera play-offetako finalerdietako joaneko neurketa. Kanporaketa hau irabazten duen taldeak Urrezko LEB Mailara igotzea lortuko du. Mailaz igotzeko, Zornotzak 12 puntu baino gehiagogatik irabazi beharko du itzuliko neurketa (maiatzaren 29an, 19:15ean) Sant Joan Despin.
Lehen bi laurdenak oso parekatuak izan dira. Bartzelonak puntu bateko abantaila eskuratu du hasierako hamar minutuetan (18-19), eta norgehiagoka berdinduta (39-39) iritsi da atsedenaldira.
Azken bi laurdenetan fisikoki nagusi izan da Kataluniako taldea. Gainera, Zornotzak 7 hiruko bakarrik sartu ditu, 26 hiruko jaurtiketa egin dituen arren. Atsedenaldiaren ostean hiruko bakarra sartu du Bizkaiko taldeak. Hirugarren laurdenean zortzi puntuko errenta eskuratu du Barçak (47-55). Azken laurdenean, Zornotzak amaierara arte borrokatu du porrota ahalik txikiena izateko, eta 12 puntugatik galdu du (63-75).
Hurrengo zuzenekoak
21 | 11:59 - 13:59 | ZESTA-PUNTA | Emakumezkoen Hondarribiko Grand Slameko finala |
21 | 15:30 - 17:09 | ERREMONTEA | Banakako finala: Ansa II vs Urriza |
21 | 17:10 - 19:59 | PILOTA | San Mateoak: Ezkurdia-Martija vs Dario-Rezusta |
22 | 22:00 - 00:30 | HERRI KIROLAK | EUSKAL PENTATLOIKO FINALA |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa