Dusko Ivanovicen ordezkoaren bila

Caja Laboral Dusko Ivanovicen ordezkoaren bila ari da dagoeneko. Igandean bere kargutik kendu zuen Josean Querejetak Baskoniako presidenteak. 

Hiru hautagai nagusi daude: Neven Spahija, Pesic eta Zeljko Obradovic. Spahija aspaldiko ezaguna da Gasteizen, Baskoniari Liga eta Superkopa garaipena eman zion gizona, hain zuzen ere. Pesic, bestalde, Alemaniako selekzioaren hautatzailea da eta Baskoniarekin fitxatzeko kargua utzi beharko luke.

Zeljko Obradovicek, azkenik, soldata altua eskatu ohi du eta beraz zaila izango da Baskoniak fitxatu ahal izatea.

Datorrena datorrela, ez du lan erraza izango, ez behintzat Ivanovicek utzitako arrastoa berdindu nahi badu. 10 urte egin ditu Montenegrokoak Gasteizen, bi alditan, eta ez da hutsaren hurrengoa bere aginduetara taldeak lortutakoa.