Baskonia Zeniten aurka azaroaren 23an neurtuko da eta Albaren aurka urtarrilaren 5ean

Koronabirusarengatik atzeratutako Baskoniako partiden data berriak argitaratu ditu Euroligak: Zenit San Petersburgo azaroaren 23an hartuko du eta Alba Berlin urtarrilaren 5ean bisitatuko du.

Errusiarren aurkako norgehiagoka txapelketa kontinentalaren hirugarren jardunaldiari dagokio eta azkenean, azaroaren 23an -astelehena- jokatuko da, 19:30etik aurrera, Fernando Buesa Arenan. Izan ere, Endesa Ligako atsedenarekin bat egiten du.

Bestalde, Aito Garcia Renesesen taldearen kontrako partida, ligako bosgarren jardunaldiari dagokiona, urtarrilaren 5ean -asteartea- jokatuko da, 20:00etatik aurrera, Berlinen. Baskoniak CSKA Moscu hartuko du hiru egun geroago, beraz, aste bikoitza izango da.