Hanga, Larkin eta Ledo, ACBko tanteo-eskubideari lotuta

ACBk asteazken honetan eman du jakitera tanteo-eskubideari lotuta dauden Endesa Ligako 33 jokalarien zerrenda. Hau da, euren kontratuak bukatuta eta klubaren berritze eskaintzak baztertuta, taldez alda dezaketen jokalarien zerrenda. Hor daude Valentzia Basketeko Antoine Diot eta Luke Sikma, MoraBanc Andorrako Giorgi Shermadini eta Baskoniako Shane Larkin, Adam Hanga eta Ricky Ledo, besteak beste.

Uztailaren 9a baino lehen, jokalari hauetan interesa duten taldeek eskaintzak plazaratu ditzakete. Jokalariaren jatorrizko klubak 5 eguneko epea izango du beste talde baten eskaintza berdindu eta jokalaria mantentzeko. Bestela, eskaintza plazaratu duen taldeak fitxatuko du jokalaria, ACBk jakinarazi duenez.

Shane Larkin eta Adam Hanga jokalariak daude tanteo-eskubideari lotuta daudenen artean. Bi jokalariak galtzeak min handia egingo lioke Baskoniari. Bietako batek ere ez du onartu Baskoniak aurkeztu dion kontratua berritzeko eskaintza.