Baskonia eta Bilbao Basket, aurrez aurrez Kopa helburu dutela

Baskoniak Bilbao Basket hartuko du Buesa Arenan, igandean 18:30etan. Bi taldeek Errege Kopa dute helburu, baina egoera desberdinetan daude. Zozketa astelehenean izango da Gasteizen.

Arabako taldeak, bosgarren 10 garaipenekin, multzoburuen taldean egon nahi du. Horretarako, Bilbao Basketi irabazi eta Iberostar Tenerifek galtzea behar dute. Batzelonaren aurka arituko dira kanariarrak.

Bilboko taldeak, bederatzigarren 7 garaipenekin, Errege Kopara sailkatzea du helburu. Baskoniari irabazteaz gain, Morabanc Andorraren porrota ere behar du. Betisen aurka arituko da Andorra.

Andrea Bargnani jokatzeko moduan egongo da, eta Sito Alonso jokalari guztiak izango ditu prest.

Pablo Prigioniri omenaldia egingo diote Buesa Arenan. Baskoniarekin 459 partida jokatu ustean, erretiroa hartuko duela iragarri zuen astelehenean.

Estatistika, etxekoen alde

Etxean Bilbao Basketen aurka Endesa Ligan jokatutako 14 partidetatik 13 irabazi ditu Baskoniak. Gazteizen eta Bilbon jokatutako neurketa guztiak kontuan izanda, Baskoniak gehienetan irabazi du: 28tik 21. Azken hiru denboraldietan, baina, etxekoak gailendu dira beti.